Iki gitaramo DJ Spinny yagiteguye mu rwego rwo kwizihiza isabukuru y’imyaka icumi amaze mu muziki, icya mbere akaba yaragikoreye muri Uganda mu minsi ishize.

Nk’umuhanga mu kuvanga imiziki ugezweho muri Uganda ariko ufite inkomoko mu Rwanda, ntabwo yigeze yirengagiza aho akomoka.

Ni igitaramo DJ Spinny yatumiyemo abantu batandukanye barimo Blue Aiva wo muri Afurika y’Epfo, Sheilah Gashumba ukunze kwiyita Lil Stunner wo muri Uganda n’abandi banyuranye.

Uretse abatumiwe gususurutsa abakunzi b’umuziki, abandi bitabiriye iki gitaramo biganjemo ibyamamare nka Uwicyeza Pamella umugore wa The Ben, Massamba Intore, Alex Muhangi, Kenny Sol, Element EleeeH n’abandi banyuranye.

Ubwitabire bwari hejuru muri iki gitaramo nubwo cyarangiye nabi nyuma y’uko haguye imvura nyinshi yatumye abari bicaye ahadatwikiriye bayihungira ahatwikiriye ibintu birivanga.

Kuba hagwaga imvura nyinshi ikanamara umwanya munini byatumye abantu batizihirwa uko byari biteguye.

Ku rundi ruhande, DJ Spinny abinyujije ku mbuga nkoranyambaga yashimiye abitabiriye iki gitaramo abiseguraho ku bw’ikirere kitababaniye.

Ati “Mwakoze cyane, ndashimira buri wese wabashije kuhagaragara nubwo imvura yari ifite undi mugambi. Turasaba imbabazi ku bw’ikirere kitatubaniye tunashimira ababashije kuhaguma nubwo bitari byoroshye.”

DJ Niny ari kuvangira imiziki abari bitabiriye iki gitaramo

Amandah Darling ubwo yafataga ifoto mbere yo kujya mu gitaramo cya DJ Spinny

DJ Niny ni uku yahingutse ahabereye iki gitaramo

Element EleeeH ni umwe mu bataramiye muri iki gitaramo yari yagiye gushyigikiramo DJ Spinny

Byari ibyishimo kuri DJ Spinny wakoreraga igitaramo cye cya mbere i Kigali

DJ Spinny hari aho yageze azamuka ku meza ngo abone uko asusurutsa abakunzi be

Ubwo yari ku rubyiniro DJ Spinny yeretswe urukundo n'abari bitabiriye iki gitaramo

DJ Pius, Element EleeeH na Kenny Sol bari mu bari bagiye gushyigikira DJ Spinny

DJ Spinny ubwo yari ageze ku byuma ari kuvangira imiziki abakunzi be

Umutoniwase Nadia uzwi nka Muganga muri sinea y'u Rwanda ari mu bari bitabiriye iki gitaramo

Blue Aiva wo muri Afurika y'Epfo ni umwe mu bavanga imiziki bagezweho

Zaria Court ikomeje kwakira ibitaramo bikomeye

Blue Aiva afite umwihariko wo kuvanga imiziki anabyinira abafana be

Uwicyeza Pamella, umugore wa The Ben ni umwe mu bitabiriye iki gitaramo

Byari ibyishimo mu gitaramo ‘Spinny&Friends’

Inkumi zari zabukereye muri iki gitaramo

Yigiye hejuru ubundi yica icyaka anabyina umuziki mwiza yavangirwaga n'abahanga muri uyu mwuga

Buri umwe mu nkumi zitabiriye iki gitaramo yari yakoze ku mwambaro azi ko umubera

Massamba Intore na Alex Muhangi bari mu bari bagiye gushyigikira DJ Spinny

Ubwitabire bwari hejuru muri iki gitaramo

Icyo kunywa cyari cyateguwe ku buryo nta kibazo cy'icyaka abitabiriye iki gitaramo bahuye nacyo

Ibyishimo byari byose ku bitabiriye iki gitaramo babanzaga gufata agafoto k'urwibutso

Amafoto: Cyubahiro Key