Rutangarwamaboko yabwiye IGIHE ko iyi nyubako iherereye mu Murenge wa Gisozi, Akagali ka Musezero mu mudugudu wa Nyakaliba, yafashwe n’inkongi biturutse ku muriro wifashishwaga n’abasudira umureko.

Umupfumu Rutangarwamaboko yagize ati “Ishobora kuba yatewe n’abasudiraga ibishashi bikaba byagiye ku byatsi cyangwa amashanyarazi.”

Igice cyafashwe n’inkongi ni icyo hejuru kuko ari igorofa yitaga ‘ingoro’, cyamurikirwagamo ibikoresho gakondo by’abanyarwanda bo hambere.

Yavuze ko atamenya neza agaciro k’ibyangiritse kuko hafi ya byose byari biri muri iyo nyubako byahiye.

Inzego zishinzwe kuzimya inkongi zahise zihagoboka, zikumira inkongi itarakwirakwira henshi.

AMASHUSHO: Inyubako y'ikigo nyarwanda cy'ubuzima bushingiye ku muco, kiyoborwa n'umupfumu Nzayisenga Modeste uzwi nka Rutangarwamaboko, yafashwe n'inkongi y'umuriro. pic.twitter.com/jPrxQjTx7z

— IGIHE (@IGIHE) February 9, 2024

Inkongi yadutse ubwo bari bari gusudira umureko

Iyi nyubako Rutangarwamaboko yayifataga nk'ingoro ibikwamo byinshi mu bikoresho byifashishwaga n'Abanyarwanda bo hambere

Inyubako yo hejuru yangiritse bikomeye

Bimwe mu bikoresho byabashije kuvanwa mu nzu bitarashya

Ishami rya Polisi rishinzwe kuzimya inkongi ryatabaye