Inzozi zabaye impamo! Urugendo rwa Miss Mutoni Jane uhereye itangazamakuru kuri televiziyo y’u Rwanda

Yanditswe na Nsengiyumva Emmy
Kuya 18 Gashyantare 2021 saa 07:32
Yasuwe :
0 0

Miss Mutoni Jane witabiriye irushanwa rya Miss Rwanda mu 2016 akegukana ikamba ry’umukobwa wahize abandi mu muco, aherutse gutangazwa nk’umunyamakuru w’ikigo cy’Igihugu cy’itangazamakuru (RBA) mu ishami risoma amakuru mu rurimi rw’Icyongereza.

Uyu mukobwa mu kiganiro cyihariye na IGIHE yahishuye uko yakuze akunda cyane umwuga w’itangazamakuru, by’umwihariko akaba umufana w’umunyamakuru Umurerwa Evelyne basigaye bakorana.

Avuga ku rukundo rwe mu itangazamakuru, Miss Mutoni Jane yagize ati “Nakunze itangazamakuru kuva mu bwana, ngeze mu mashuri yisumbuye nakurikiye ibijyanye n’indimi n’ubuvanganzo.”

Ubu uyu mukobwa wegukanye n’ikamba ry’igisonga cya mbere cya Nyampinga w’umuco ku Isi mu 2016, ari kwiga itangazamakuru muri Mount Kenya University.

Nyuma y’umwaka yimenyereza umwuga w’itangazamakuru mu kigo cy’Igihugu cy’itangazamakuru RBA, Mutoni Jane aherutse kwerekanwa nk’umwe mu ikipe y’abanyamakuru basoma amakuru y’icyongereza kuri Televiziyo y’u Rwanda.

Yavuze ko yishimiye bikomeye gukorera mu kigo cy’igihugu cy’itangazamakuru (RBA) kuko yakuze akunda abanyamakuru bakozemo.

Ati “Nakuze nkunda cyane abanyamakuru ba RBA, barimo Evelyne Umurerwa n’abandi batandukanye, ni iby’agaciro gukorana n’abantu nk’aba.”

Miss Mutoni Jane avuga ko nubwo umwuga w’itangazamakuru yawinjiyemo awukunda bikomeye, yasanze ukomeye.

Ati"Ndibuka nk’inkuru twigeze kujya gutara ahantu bacuruza inyama, amasazi yarandiye. Ndibuka ko insinga z’umuriro zari zacitse bigaturika ndi kubara inkuru! Biba biteye ubwoba ariko narayikoze. Ni imwe mu nkuru zangoye."

Nubwo ubu ari umunyamakuru usoma amakuru kuri televiziyo y’u Rwanda, yatangiye ajya kuyatara.

Kurikira ikiganiro twagiranye na Miss Mutoni Jane

Mutoni Jane yitabiriye irushanwa rya Miss Rwanda mu 2016
Uyu mukobwa mu 2016 yambitswe ikamba rya Nyampinga w'umuco
Muri uwo mwaka wa 2016 Mutoni yabaye igisonga cya mbere cya Nyampinga w'Isi
Mutoni Jane yinjiye mu ikipe y'abasoma amakuru kuri televiziyo y'u Rwanda
Inzozi zabaye impamo kuri Mutoni Jane wakuze akunda itangazamakuru

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .