Mu kiganiro yagiranye na IGIHE mbere y’uko atangira kumvisha abitabiriye ibi birori zimwe mu ndirimbo zigize iyi album, Ish Kevin yavuze ko umwihariko wayo ari uko yumvikanamo nk’umuhanzi wakuze.

Ati “Umwihariko wayo ni uko ari album yumvikanaho indirimbo zikuze, zumvikanisha ko nakuze. Iyi iriho indirimbo zikomeye zifite ubutumwa bukomeye, cyane ko izabanje wasangaga ziriho izigenewe urubyiruko. Nubwo na zo nkizifite, ariko iyi iriho izumvikanisha ko nakuze.”

Ni album Ish Kevin agiye gusohora nyuma y’imyaka ine ashyize hanze ‘Trapish II’, yasohotse mu 2022.

Ubwo yabazwaga niba ateganya gukora igitaramo cyo kuyimurika, Ish Kevin yavuze ko uyu mwaka ateganya gusubukura ibitaramo bye bya ‘Trapish Concerts’.

‘Trapish III’ igizwe n’indirimbo yahuriyemo n’abandi bahanzi barimo Kenny Sol, itsinda rya Buruklyn Boyz ryo muri Kenya, Logan Joe, OG2Tone, Pro Zed, Bibiboi, Ririmba ndetse na Njerae.

‘Question’, indirimbo Ish Kevin yakoranye na Kenny Sol, ni imwe mu zigize iyi album. Uyu muhanzi yayisohoye mbere, muri Werurwe 2026, ndetse ni imwe mu ndirimbo zigezweho muri iyi minsi.

Mu zindi ndirimbo zigize album ya Ish Kevin harimo ‘Abajeune (Intro)’, ‘Loved & Hated’, ‘Greatness’, ‘Aura’, ‘Ndabaga’, ‘Body’, ‘Chat Chat’, ‘Best Friend’ yakoranye na Njerae wo muri Kenya, ‘Question’ yakoranye na Kenny Sol na ‘Back 2 Back’.

Bamwe mu bahanzi bitabiriye ibirori byo kumvisha inshuti ze iyi album barimo Davis D, Logan Joe, Diez Dola, Ririmba n’abandi.

Ahakorewe ibi birori hari hateguwe ku buryo ukihagera umenya ikigiye kuhabera

Ish Kevin yasohoye album ye nshya ‘Trapish III: Win Some, Lose Some’

Diez Dola we ni uku yahingutse ahabereye ibi birori

Ish Kevin n'inshuti ze mbere y'uko binjira ahagombaga kubera ibi birori

Mbere y'uko binjira mu kabyiniro kabereyemo ibi birori, babanje gufata ifoto y'urwibutso

Diez Dola yari yagiye gushyigikira inshuti ye Ish Kevin

Ish Kevin akigera ahabereye ibi birori yanze kwinjira adafatiye ifoto ku cyapa cyagaragazaga ko abantu bagiye kumva iyi album

Logan Joe ari mu bitabiriye ibi birori

Ish Kevin na Diez Dola wari wagiye kumushyigikira

Davis D na Diez Dola babanje gufata ifoto y'urwibutso na Ish Kevin

Ish Kevin na Davis D baganira kuri iyi album uyu muraperi yamaze gushyira hanze

Ish Kevin yanyuzagamo akaririmbira abitabiriye ibi birori

Byari ibyishimo kuri Ish Kevin n'inshuti ze zitabiriye iki gikorwa

Amafoto: Kwizera Remy Moses