Iri torero riri mu bahanzi barenga 400, barimo amatsinda agera kuri 50, bazagaragara muri iri serukiramuco, baturutse hirya no hino ku Isi by’umwihariko mu bihugu bya Afurika nk’uko byatangajwe n’ubuyobozi buritegura biciye ku rubuga rwayo Busaramusic.org.

Sauti za Busara izatangira ku itariki ya tariki 8 izasozwe ku itariki ya 11 Gashyantare 2018. Aba bahanzi 400 batumiwe harimo abazaza baje gukora ibitaramo, abazatanga amasomo ya muzika n’abandi bazaba baje kwigira ku bumenyi bw’abandi.

Ibitaramo bizabera ahantu hatatu hatandukanye mu minsi ine iserukiramuco rizamara, hari abazajya baririmbira ahitwa Old Fort Main Stage, Amphitheatre ndetse no kuri Forodhani Gardens.

Itorero Inganzo Ngari ryatumiwe uyu mwaka rizakora igitaramo gakondo ku itariki ya 8 Gashyantare ari nabwo iserukiramuco rizafungurwa, bazaririmbira ahitwa Forodhani Gardens.

Iserukiramuco Sauti za Busara ribera mu Mujyi wa Zanzibar guhera mu mwaka wa 2003, ritegurwa n’umuryango udaharanira inyungu witwa Busara Promotions. Umuyobozi mukuru mu gice gitegura iri serukiramuco witwa Yusuf Mahmoud yavuze ko uyu mwaka harimo akarushyo ku bahanzi batumiwe.

Yagize ati “Muri uyu mwaka nibwo tuzaba twizihiza imyaka 15 ishize dutegura iri serukiramuco, ikindi kandi noneho twatumiye abahanzi bagera kuri magana ane bazaturuka mu bice bitandukanye bya Afurika, u Burayi n’ahandi […] Abahanzi bo muri Afurika y’Uburasirazuba by’umwihariko bazagira umwanya wo kwereka Isi urwego umuziki wabo ugezeho.”

Mu bahanzi bitezwe muri Sauti za Busara uyu mwaka harimo Kasai Allstars (DRC), Zakes Bantwini (South Africa), Somi (Uganda / USA), Saida Karoli (Tanzania), Msafiri Zawose (Tanzania), Ribab Fusion (Morocco), Kidum & Boda Boda Band (Burundi / Kenya), Mlimani Park Orchestra (Tanzania), Mohamed Ilyas & Nyota Zameremeta (Zanzibar), Matona’s Cultural Band (Zanzibar / Tanzania), Makadem (Kenya) ,Diana Samkange ‘MaNgwenya’ (Zimbabwe), Fatma Zidan (Egypt / Denmark), Inganzo Ngari (Rwanda), Mzungu Kichaa (Tanzania / Denmark), Segere Original (Tanzania), Simangavole (Reunion), Maia & Big Sky (Kenya), Kiltir (Reunion), El Dey (Algeria), Maulidi ya Homu ya Mtendeni (Zanzibar), Simbin Project (Senegal / Switzerland), CAC Fusion (Tanzania), Mbanaye (Malawi), Ernest Ikwanga(Malawi) ,Isack Abeneko (Tanzania), Grace Matata (Tanzania),  Safi Theatre (Tanzania), Siti & Band (Zanzibar), Mapanya Band (Zanzibar), Zanzibar Taarab Ensemble (Zanzibar)  n’abandi.

Iri serukiramuco rya Sauti za Busara ryatangiye kuba mu wa 2003, ni ku nshuro ya 15 rigiye kuba.

Inganzo Ngari zatumiwe muri Zanzibar mu iserukiramuco Sauti za Busara

Uretse Inganzo Ngari zatumiwe uyu mwaka, muri 2017 hagiyeyo Imena Cultural Troupe, mbere hari haragiyeyo abandi bahanzi nyarwanda barimo Mani Martin na Liza Kamikazi.