Ni mu gitaramo cyabaye kuri uyu wa Kane tariki 17 Nyakanga 2025. Cyahurije hamwe abahanzi baturutse ku migabane itandukanye barimo abanyeshuri biga umuziki mu Ishuri ry’Umuziki ry’u Rwanda, Liboi wo muri Kenya, Diana Baroni wo muri Argentina, Asiku Asiku wa Uganda; na Bryan Kanama, Fox Makaare, Israel Papy ndetse na Lee Dia & Neema Rehema bose bo mu Rwanda.

Mu bandi basusurukije abitabiriye harimo Itorero Inyamibwa AERG ryo mu Rwanda, Abanya-Pakistan Mustafa Baloch, Arman Rahim na Ahsan Bari. Iki gitaramo cyari gifite insanganyamatsiko igira iti “Umuziki ni Ubumuntu’’.

Iki gitaramo cyabaye nyuma y’ibiganiro bitandukanye muri iri serukiramuco bimaze iminsi bibera muri Camp Kigali.

Nyuma y’ibikorwa bitandukanye bimaze iminsi biba kuva iri serukiramuco ryatangira, hategerejwe ‘Ubumuntu Classic Performances’. Ni ibikorwa bizabera ku Rwibutso rwa Jenoside rwa Kigali ruherereye ku Gisozi guhera ku wa Gatanu tariki 17-20 Nyakanga 2025.

Muri ibi bikorwa abahanzi batandukanye bazajya berekana impano zabo, babihuza no gutanga ubutumwa bwo gusigasira ubumwe n’amahoro.

Abagize Itorero Inyamibwa ni uku baserutse

Abahanzi batandukanye barimo abaturutse mu Rwanda no hanze yarwo baririmbye muri iki gitaramo bahuriye ku rubyiniro

Abakibyiruka bo mu Itorero Inyamibwa bigaragaje

Abakobwa bo mu Itorero Inyamibwa beretse abanyamahanga baje muri iri serukiramuco ibyiza by'umuco nyarwanda

Abanyempano bitabiriye iserukiramuco rya Ubumuntu bakomeje guhabwa rugari mu buryo butandukanye bakigaragaza

Buri muhanzi wese wahawe rugari muri iki gitaramo yakoze iyo bwabaga

Esther Niyifasha ubwo yasusurutsaga abitabiriye abacurangira inanga

Iki gitaramo cyari kigamije guha ikaze abitabiriye iserukiramuco rya Ubumuntu

Iki gitaramo cyaririmbyemo abahanzi barimo abo mu Rwanda no hanze

Inkumi zo mu Itorero Inyamibwa ntabwo zatengushye abitabiriye iki gikorwa

Intore zo mu Itorero Inyamibwa ntabwo zatanzwe

Iri serukiramuco ryitabiriwe n'abantu batandumanye baturutse mu bihugu birenga 30 bakora ubuhanzi

Itorero Inyamibwa AERG rimaze kumenyekana mu mbyino gakondo ryashimishije benshi mu gitaramo, cyo guha ikaze abantu batandukanye baturutse mu mpande zitandukanye z’Isi, bitabiriye iserukiramuco rya Ubumuntu Arts Festival

Lee Dia ari mu bahanzi bakomoka mu Rwanda bitabajwe muri iri serukiramuco

Neema Rehema ni umwe mu basusurukije abitabiriye iri serukiramuco

Lee Dia yafashije abitabiriye abacurangira ingoma zigezweho