Iri serukiramuco ryahuriranye n’imyaka 50 rimaze ribayeho. Iry’uyu mwaka ryatangiye ku wa 23 Gashyantare, rizasozwa ku wa 02 Werurwe 2019. Muri iri serukiramuco herekanwa filime zitandukanye, hakaba ibiganiro ku cyateza imbere sinema nyafurika, hakanatangwa ibihembo ku babaye indashyikirwa muri sinema nyafurika.

Perezida wa Burkina Faso, Roch Marc Christian Kaboré, kuri uyu wa Gatandatu ni we watangije iri serukiramuco rikomeye cyane muri Afurika, anaha ikaze abaryitabiriye.

U Rwanda rwatumiwe nk’umushyitsi w’imena rwohereje abaruhagarariye benshi barimo abahanzi b’indirimbo abanditsi abakina filime n’abayobozi mu nzego za Leta.

Mu bahagarariye u Rwanda harimo Mani Martin, Masamba Intore, Nirere Shanel, Mariya Yohana, Muyango, abaserukiye ishuri ry’umuziki ku Nyundo, Itorero ry’Igihugu ‘Urukerereza’, Umunyamabanga Nshingwabikorwa w’Inteko Nyarwanda y’Umuco n’Ururimi, RALC, Dr Vuningoma James, Joël Karekezi n’abandi.

#Fespaco2019, une cérémonie riche en couleurs. C’est le président du Faso, Roch Marc Christian Kaboré, qui a donné le clap de départ de la fête du 7e art africain, l’édition cinquantenaire. Regardez! pic.twitter.com/tORFZWRM4J

— Ministry of Sports & Culture | Rwanda (@MINISPOC) February 24, 2019

Muri iri serukiramuco kandi uretse kuba u Rwanda rwaratumiwe, harimo na filime z’abanyarwanda ziri guhatana.

Mercy Of The Jungle yakozwe na Joel Karekezi iri guhatana n’izindi 20 mu cyiciro cya filime ndende, Icyasha ya Dusabejambo Marie Clementine iri guhatana n’izindi 28 mu cyiciro cya filime ngufi, mu gihe Inanga ya Jean Claude Uwiringiyimana ihatanye n’izindi 14 mu cyiciro cya filime mbarankuru.

FESPACO yatangijwe mu 1969 na François Bassolet, Claude Prieux ndetse na Louis Thiombiano; ni iserukiramuco riba mu gihe cy’iminsi umunani rikitabirwa n’abakora umwuga wa sinema baturutse mu bihugu bitandukanye bya Afurika.

Iri torero ryacinye umudiho biratinda

Itorero ry'Igihugu 'Urukerereza' ryatangije FESPACO ryekana imbyino gakondo zo mu Rwanda

Itorero Urukerereza ryiyeretse mu mbyino za Kinyarwanda

Byari ibirori binogeye ijisho

Amb. Stanislas Kamanzi yitabiriye FESPACO iri kubera muri Burkina Faso

Amb. Kamanzi mu itangizwa rya FESPACO 2019 i Ouagadougou

Mariya Yohana, Muyango, Massamba Intore n'Umunyamabanga Nshingwabikorwa w’Inteko Nyarwanda y’Umuco n’Ururimi, RALC, Dr Vuningoma James bahura na Ambasaderi w'u Rwanda muri Burkina Faso, Stanislas Kamanzi [wambaye karuvati itukura]

Iki gikorwa cyitabiriwe n'abantu batandukanye

Abayobozi batandukanye bitabiriye ibi birori

Masamba Intore ari mu bahanzi bahagarariye u Rwanda muri FESPACO

U Rwanda rwatumiwe nk'umushyitsi w'imena muri FESPACO 2019