Aba basore babanjirijwe ku rubyiniro na Anita Pendo winjiye yambaye imikenyero yitwaje umupira wo gukina (ballon) n’ifirimbi, avuga ko yinjiye nka Salima Mukansanga agiye kwita Izina.

Anita Pendo akihagera yasabye umwe mu bari bamukurikiye kumuha inoti ebyiri z’ibihumbi bitanu akaza kuzimusubiza gusa byarangiye atayasubije "niba muha abana b’ejobundi amafaranga ntibayasubize ndi nde wo kuyagusubiza?."

Anita Pendo yavuze ko adashaka kuguma ari wenyine (single). Ati "Ariko buriya muri iki gihugu ni njye uzaguma ndi ‘single’ bigombe bihinduke rwose, muramenye mutabwira Japhet kuko ntabwo najya ngura amata ya Dylan n’aya Japhet cyangwa guhora mbakiza igihe barwanye”.

Umuhanzi Kevin Kade wari muri iki gitaramo yinjiye aririmba indirimbo zitandukanye nka Sofia, Tainah n’izindi, yasabye ko abari bahari guhaguruka bakaririmbana indirimbo" Kao" baramwumvira babyinana na we.

Rusine wishimiwe cyane yinjiye abyina akomeza gukora urwenya mu buryo bwe aba ameze nk’uwasinze atangira abaza ati "Ni gute muha amafaranga abantu ndusha ubu-star [ubwamamare]”, umunyarwenya Joshua yahise amuha amafaranga 500Frw.

Nyuma yaho abari bamukurikiye bamuhaye amafaranga babicisha kuri Momo kuri nimero yagiye abandikira muri telefone zabo ndetse no kuyamuha mu ntoki, ubwo iminota yahawe yari irangiye, basabye ko ahaguma ariko ntibyakunda.

Japhet na Etienne binjiye na bo babyina mu myenda y’umukara n’umweru batangira bigereranya n’inyamaswa ziri muri pariki bashimira izindi nyamaswa kuba zaje kwitabira umuhango wo Kwita Izina abana b’ingagi bavuga ko impyisi n’imbogo zahageze.

Bati "Ubu na mwe mwahageze sinkeneye impyisi yihagarika buri kanya, nabyo bihinduke!".

Bashimiye abaje kwifatanya nabo muri iki gitaramo ari na cyo cya mbere bakoze nyuma yo gutandukana na Mugisha Emmanuel wamamaye nka Clapton Kibonke.

Iki gitaramo cyitabiriwe n’abarimo Junior Rumaga, Byiringiro Lague, abanyarwenya barimo Pattino, Fally Merci na Nyaxo byari bizwi ko afunzwe yagaragaye muri iki gitaramo.

Abitabiriye iki gitaramo batashye banyuzwe

Umuhanzi Kevin Kade ni we waririmbye muri iki gitaramo

Basabye ko Rusine aguma ku rubyiniro ariko iminota ye yari yarangiye

Umuhanzi Ben Adolphe bamugarutseho bavuga ko yashoye amafaranga menshi mu kwamamaza indirimbo ye kurusha ayayikoze

Muri iki gitaramo uwanyurwaga yatangaga amafaranga

Abari muri iki gitaramo batahanye akanyamuneza

Japhet na Etienne bishimira ibyo bamaze kugeraho muri Bigomba Guhinduka

Aba basore bamaze kwamamara mu gutera urwenya

Rusine yishimiwe cyane muri iki gitaramo basaba ko aguma ku rubyiniro

Kevin Kade yasusurukije abitabiriye igitaramo cya Bigomba Guhinduka

Umunyarwenya Fally Merci na we yahawe umwanya muri iki gitaramo

Rusine yakuriwe ingofero

Benshi banyuzwe n'inkuru z'urwenya zanyuze muri iki gitaramo

Abanyarwenya bakiri bato bahawe amafaranga menshi

Umunyarwenya 5K Etienne yashimiye abitabiriye igitaramo cyabo

Akanyamuneza kari kose ku bitabiriye iki gitaramo

Inkuru zari muri iki gitaramo ntizari gutuma ubumba umunwa

Umunyamakuru wa RBA, Ingabire Egidie Bibio yari muri iki gitaramo

Japhet na 5K Etienne banyuze abitabiriye igitaramo cyabo "Bigomba Guhinduka" cyabaga ku nshuro ya gatatu. Cyabereye muri Camp Kigali ku wa 2 Nzeri 2022

Byari bigoranye kuva muri iki gitaramo udasetse

Abishyuye bashaka guseka rwose bagaruje

Abafana banyuzwe batanga amafaranga menshi

Umusizi Rumaga ntasiba mu bitaramo by'abanyarwenya

Amafoto: Rwema Derrick