Uko gukina muri filime asomana n’umukobwa byimbitse byari bisenyeye Kabayabaya

Yanditswe na Nsengiyumva Emmy
Kuya 16 Nzeri 2020 saa 12:58
Yasuwe :
0 0

Kabayabaya Steven umukinnyi wa filime mushya mu ruganda rwa sinema nyarwanda, akomeje guca ibintu ku mbuga nkoranyambaga kubera amashusho ye asomana n’umukobwa mu buryo bwimbitse. Ni amashusho yakuwe muri filime “My Aunt” amaze igihe akinnyemo.

Uyu mugabo usanzwe afite umugore babana nubwo batarasezerana imbere y’amategeko, yahishuye ko gukina muri filime asomana byimbitse n’umukobwa byari bimusenyeye.

Ati “Ntabwo twari tuziranye, twamenyaniye muri filime yabanjirije My Aunt. Nta rukundo dufitanye, ntabwo tujya tuvugana byihariye, tuvugana bisanzwe nk’uko umuntu yavugana n’undi.”

Uyu musore avuga ko uretse gusomana muri filime, nta kindi kintu cyabayeho, ati “Byarangiriye hariya, nta kindi cyabayeho. Si umukunzi wanjye, Ni inshuti isanzwe twahujwe n’umwuga. Ni kuriya filime yagombaga gukinwa kandi niko twayikinnye.”

Kabayabaya avuga ko ubwo umukunzi we yari abibonye bigisohoka yabanje kubabara cyane.

Ati ”Yahoraga ambaza ibyo nakinnye muri filime, nkamubwira ko nibisohoka azabibona. Filime igisohoka byaramubabaje cyane, byasabye ko twicara turaganira ndamusobanurira mubwira uko byagenze arabyumva.”

Uyu mugabo avuga ko ikintu cyatumye bitaba birebire cyane mu rugo, ari uko umukunzi we atari asanzwe amuziho imico yo kumuca inyuma. Gusa ngo yamusabye ko atazongera gukina ibyo yakinnye.

Ku kijyanye no kuba ibyo bakoze bishobora kwangiza abakiri bato, Kabayabaya yagize ati”Sinabikoze nshaka ko abana bato babyigana, nabikoze kuko bindimo, nta wundi mugambi nabikoranye.”

Filime my Aunt ikubiyemo inkuru y’umusore ujya gusura nyirarume agasanga yagiye mu butumwa bw’akazi.

Umugore wa nyirarume byarangiye yifuje kuryamana n’uyu musore wari waririnze gukora imibonano mpuzabitsina atarashaka, gusa akaza kugushwa mu mutego n’uyu mugore.

Ikiganiro n’uyu musore wakinnye asomana byimbitse n’inkumi muri filime

Reba agace kamwe k’iyi filime "My Aunt"

Uku gukina asomana n'uyu mukobwa byari bimusenyeye
Kabayabaya avuga ko uyu mukobwa usibye ibyo bakinanye, nta wundi mubano wihariye bigeze bagirana

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .