Abanyarwenya bakomeye mu Rwanda basusurukije abitabiriye igitaramo cya Skol i Kagugu (Video)

Yanditswe na Nsengiyumva Emmy
Kuya 3 Ugushyingo 2019 saa 09:43
Yasuwe :
0 0

Abanyarwenya bakomeye mu Rwanda bafatanyije n’Uruganda rukora Ibinyobwa bisembuye n’Ibidasembuye rwa Skol Brewery Limited Rwanda, bakoreye igitaramo cyashimishije benshi i Kagugu mu Mujyi wa Kigali.

Ibitaramo nk’ibi bimaze igihe bizenguruka mu tubari dutandukanye tw’i Kigali, byatangiriye ku Kabari ka Poète gaherereye i Nyarutarama ku wa 13 Nzeri , bikomereza i Remera muri Front Line Bar ku wa 20 Nzeri 2019.

Tariki 27 Nzeri, byabereye i Kanombe mu Kabari ka K1 Bar, hakurikiye icyabereye mu Karere ka Gasabo ahazwi nka Best Corner ku wa 4 Ukwakira 2019, cyakorewe mu ngata n’icyajyanywe mu nyubako ya CHIC ahazwi nka Mummy’s Bar mu mujyi rwagati ku wa 11 Ukwakira 2019, mu gihe tariki ya 18 Ukwakira 2019 byabereye muri Makumba Bar i Remera.

Tariki 25 ukwakira iki gitaramo cyabereye muri 4G Bar, akabari gaherereye Kimironko. Igitaramo giheruka tariki 1 Ugushyingo 2019 cyahurije hamwe abanyarwenya bafite amazina mu Rwanda ndetse n’abakunzi ba Skol Lager cyabereye muri Best corner Bar i Kagugu.

Muri iki gitaramo abanyarwenya barimo Clapton Kibonke, Joshua, Babou na Michael n’abandi bashimishije benshi.

Aka kabari ni ku nshuro ya kabiri kabereyemo iki gitaramo bitewe n’uko habonetse abafana b’urwenya benshi bwa mbere.

Clapton yateye urwenya rw’umukobwa ukunda gukoresha urubuga nkoranyambaga rwa Instagram ujya gushima Imana akavuga uburyo arubyaza umusaruro.

Ati "Mu minsi ishize nafunguye konti ya Instagram kandi nshyiraho amafoto abagabo bakayakunda, mumpere Imana icyubahiro. Kugeza ubu nta kazi mfite ariko ndasenga nkinjiza.’’

Yakomeje anavuga uko umusirikare ahawe kuyobora amateraniro yajya abwira abantu bose uhereye ku muyobozi wa korali, abakirisitu kwihutisha ibintu no kubikora ’gisirikare.’

Usibya urwenya rwatangiwe muri iki gitaramo, abacyitabiriye banahawe amahirwe yo kwica icyaka banywa Skol Lager ku giciro cyo hasi.

Ushaka kumenya andi makuru ajyanye na byinshi kuri iki gikorwa cya Skol Lager, wanyura ku mbuga nkoranyambaga za Skol zirimo [email protected] na Instagram @Skol_lager.

Skol yenga ibinyobwa bisembuye n’ibidasembuye by’umwimerere birimo Panache Lemon, Skol Lager, Skol Malt, Skol 5, Virunga Mist, Virunga Gold n’ibindi kandi byose biboneka mu macupa abereye ijisho bikagira n’icyanga ntagereranywa.

Reba uko iki gitaramo cyagenze

Abanyarwenya Michael Sengazi (iburyo) na Joshua bataramiye abatuye i Kagugu mu rwenya rwasekeje benshi
Umunyarwenya Babou yishimiwe cyane muri iki gitaramo kubera uburyo yabaraga inkuru
Hari abatsindiye ibyo kunywa muri iki gitaramo binyuze mu marushanwa yoroheje yakorwaga
Akabari kari kakubise kuzuye
Iri joro nta kindi kinyobwa cyaharangwaga usibye Skol Lager

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE

Kwamamaza

Kwamamaza