Ni igikorwa cyabaye kuri iki Cyumweru tariki 19 Ukuboza 2021 mu Karere ka Bugesera.

Byari ibyishimo hagati ya Kate Bashabe n’abana 100 batishoboye biga mu kigo cy’amashuri abanza cya EPR Nyamata.

Iki gikorwa cyatangijwe no kujya gufata aba bana ku ishuri aho biga, hanyuma mu modoka zateguwe bagezwa ahitwa Bugesera Summer Palace.

Muri iki kigo, aba bana kimwe n’abandi basanzeyo bahagiriye ibihe byiza birimo kwishimana, gukina imikino itandukanye no gusangira.

Nyuma y’ibi bikorwa Kate Bashabe na Juno Kizigenza wari witabiriye igikorwa cyo kwifatanya n’uyu mukobwa bashyikirije impano abo bana.

Mu kiganiro na IGIHE, Kate Bashabe yavuze ko iki gikorwa kiri muri byinshi amaze igihe akora nubwo hari ibitabasha kujya mu itangazamakuru.

Ati “Njye nakuze mbona iwacu bakunda gufasha, nanjye nkurana uwo muco. Buri mwaka nisanze nkunda gukora ibikorwa byo gufasha abatishoboye tugasangira iminsi mikuru.”

Uretse gusangira n’aba bana, Kate Bashabe yabahaye impano ziganjemo ibikoresho by’ishuri bazifashisha mu gihembwe gitaha cy’amasomo yabo.

Bavanywe ku ishuri ryabo bajyanwa ahari hateguwe ngo bizihize iminsi mikuru

Ubwo aba bana bari bategereje guhaguruka ku ishuri ryabo

Aha bari mu nzira berekeje aho Kate Bashabe yari yateguye

Kate Bashabe yari kumwe nabo mu mazi akurikiranira hafi kugira ngo hatagira uhura n'ikibazo

Kate Bashabe yitegereza abana bari koga

Byari ibyishimo kuri aba bana basangiye Noheli na Kate Bashabe

Aba bana bidagaduye biratinda

Yabaganirizaga umwe ku wundi ku buryo bakomeza kugubwa neza

Buri mwana yishimishaga mu buryo bwe...Kate Bashabe nawe abari hafi

Umwana wagaragazaga ikibazo yahitaga yitabwaho

Kate Bashabe yacungiraga hafi aba bana ngo hatagira ugira ikibazo

Byari ibyishimo kuri Kate Bashabe wari uri gusangira n'abana Noheli

Kate Bashabe yitegereza uko buri mwana yoga

Aba bana bari bishimiye gusangira na Kate Bashabe

Bidagaduye biratinda...

Aba bana bagize amahirwe yo kwidagadurira mu bikinisho bitandukanye

Abana basizwe amarangi nka kimwe mu byo bishimira iyo bari kwidagadura

Aba bana bagize umwanya wo gusangira

Juno Kizigenza wari witabiriye iki gikorwa, yafatanyije na Kate Bashabe guha impano aba bana

Bahawe impano ziganjemo ibikoresho byo mu ishuri

Buri mwana yacyuye impano ye