Muri iyi weekend IGIHE yakusanyirije zimwe mu ndirimbo nshya zamuritswe n’abahanzi nyarwanda muri iki cyumweru kiri kugana ku musozo.

Kuri iyi nshuro abahanzi batanze ibihangano bishya barimo, Kenny Sol, Danny Mutabazi, Chryso Ndasingwa, Social Mula, True Promises, Fifi Raya n’abandi

“One More Time” - Kenny Sol na Harmonize

Rusanganwa Norbert [Kenny Sol] yamurikiye abakunzi ba muzika nyarwanda amashusho y’imwe mu ndirimbo zigize EP (Extended Play) ye ya mbere yise ‘Stronger Than Before’.

“One More Time” ni indirimbo yakiranwe urugwiro dore ko ari imwe mu zikomeje gucurangwa henshi mu gihugu.

Iyi ndirimbo yahuriyemo na Haramonize yatunganyijwe na Element amashusho yayo yakorewe Zanzibar na Tanzania yakozwe na Akram Ihaji.

“Ntacyo Ngushinja” - Josh Ishimwe

Josh Ishimwe umenyerewe mu gusubiramo indirimbo zikunze kuririmbwa mu nsengero zitandukanye akazikora mu buryo bugezweho akazihuza n’injyana gakondo yamuritse “Ntacyo Ngushinja” yahanzwe na Muhimpundu Anne.

Ni ndirimbo amuritse mbere y’uko akora igitaramo cye ya mbere yise “Ibisingizo bya Nyiribiremwa”.

Iyi ndirimbo ye nshya yumvikanamo amajwi ya Peace Marara na Credo Santos yatunganyijwe na Boris mu muryo bw’amajwi , amashusho yayo yakozwe na David.

“Wasara” - Fifi Raya

Umuraperi Fifi Raya yamurikiye abakunzi ba muzika indirimbo yise "Wasara" yatunganyijwe na Producer Fanta umwe mu bagezweho muri iki gihe isozwa na Huberts Skills amashusho yayo akorwa na Jakob Legacy.

iframe>

“Mama Kaliza” - Rich One na Social Mula

Umuraperi Rich One ubarizwa muri The Beam Entertainment yegereye Social Mula bakorana indirimbo bise “Mama Kaliza” igaruka ku mubyeyi wataye inshingano zo kwita ku bana be akigira mu businzi.

Iyi ndirimbo yatunganyijwe na Laser Beat mu buryo bw’amajwi mugihe amashusho yakozwe na L-B afatanyije na Banks.

“Turirimbe” - Danny Mutabazi

Umuririmbyi w’indirimbo zo kuramya no guhimbaza Imana Danny Mutabazi yegereye studio ya Beacon ahakorera indirimbo yise “Turirimbe”.

Iyi ndirimbo yatunganyijwe na Producer Benjamin afatanyije n’abarimo Simeon na Amani, mu gihe amashusho yayo yakozwe na Diretor Cyusa afatanyije na Kayitare.

“Asante” - Chryso Ndasingwa

Chryso Ndasingwa umenyerewe muri muzika yo kuramya no guhimbaza Imana yamurikiye abakunzi ba muzika indirimbo yise “Asante” ishima Imana ku buntu igaragariza abayikorera.

Iyi ndirimbo yakorewe muri Moriox studio , amajwi yayo yatunganyijwe na Boris mu gihe amashusho yayo yakozwe na Azizi templa .

“Siyoni” - True Promises

Abaririmbyi bagize itsinda ryo kuramya no guhimbaza Imana rya True Promises bamuritse indirimbo bise “Siyoni” yatunganyijwe na Nicolas mu buryo bw’amajwi mu gihe amashusho yakozwe na Fleury Legend.

“Mukomere” Bolingo Paccy ft All Stars

Umuririmbyi w’indirimbo zo kuramya no guhimbaza Imana Bolingo Paccy yahurije hamwe abarimo Gatete Sharon, Emeline Penzi, Merci Worshiper, Mashara Anaise , Jado Sinza,Aline Mbabazi, na Shongore Schom bakora indirimbo abagizwe ingaruka n’ibiza byaturutse kumugezi wa Sebeya.

Iyi ndirimbo ikangurira abantu kugira ubumuntu no gutabarana yatunganyijwe na Bollingo Paccy muri UB Records , amashusho yayo yakozwe na Sam Power.

“Byanze” - Dio Boy

Dio Boy yamurikiye abakunzi ba muzika nyarwanda indirimbo ye ya kane yise “Byanze”.

Iyi ndirimbo yatunganyijwe na Muuv mu buryo bw’amajwi mu gihe amashusho yakozwe na Rwakigabo.

“Yari ibizi” – The Only

Igitangaza winjiranye amazina ya The Only muri muzika yamuritse indirimbo ye ya mbere yise “Yari Ibizi” igaruka ku nkuru mpamo y’ubuzima abayemo kimwe na bagenzi be babana n’ubumuga.

Iyi ndirimbo yakorewe mu Ibisumizi Records yatunganyijwe na Evydecks amashusho yayo yakozwe na Owen.

“Ikigabo cy’igisambo” – Mr Simple ft Farukudihno

Mr Simple yegereye Farukudihno basubiramo indirimbo “Ikigabo cy’igisambo” yakunzwe n’abatari bake mu myaka yashize.