Aya mashusho yasakajwe ku mbuga nkoranyambaga agaragaza Kevin Kade na Jasinta Makwabe bari kumwe n’umusore w’ibigango ubacungiye umutekano batembera muri Kigali Convention Centre.

Aya mashusho agiye hanze nyuma y’uko uyu mukobwa amaze iminsi i Kigali, aho amakuru yizewe IGIHE ifite ari uko yari yatashye ubukwe bw’umwe mu bo mu muryango we usanzwe atuye i Kigali.

Mu minsi ishize nibwo Jasinta Makwabe, umunyamideli wigeze guhagararira Tanzania mu irushanwa rya Miss Africa Calabar mu 2021, akaba umwe mu nkumi zavuzwe mu rukundo na Diamond Platinumz yaciye amarenga ko ari kugirana ibihe byiza na Kevin Kade.

Abinyujije ku rukuta rwe rwa Instagram, Jasinta Makwabe yari aherutse gusangiza abamukurikira amafoto ari kumwe na Kevin Kade ndetse hari n’aho uyu musore amukikiye arangije ahamya ko birimo urukundo ati ‘Love’.

Nubwo ariko Jasinta Makwabe yagaragaje ko ari mu bihe byiza na Kevin Kade, hari andi makuru avuga ko uyu muhanzi uherutse muri Tanzania, bahuye kubera akazi gusa.

Muri Tanzania bivugwa ko Kade yahafatiye amashusho y’indirimbo yakoranye na The Ben ndetse na Element Eleeeh ari nayo bakoreshejemo uyu mukobwa, bikavugwa ko bari gushyushya imbuga nkoranyambaga mbere y’uko indrimbo ijya hanze.

Jasinta Makwabe ni umwe mu banyamideli bakomeye muri Tanzania.

Akunze kugaragara mu mashusho y’indirimbo, kumurika imyenda n’ibindi bimwinjiriza amafaranga.

Jasinta agaragara mu mashusho y’indirimbo ‘Gomama’ ya Active na Mwana Fa wo muri Tanzania.

View this post on Instagram

A post shared by Emmy Rwanda Ikinege BadMan (@emmy_rwanda_ikinege)

Kevin Kade na Jasinta Makwabe bongeye guca ibintu ku mbuga nkoranyambaga

Kevin Kade na Jasinta Makwabe batemberanye muri Kigali Convention Centre

Jasinta Makwabe amaze iminsi i Kigali aho yari yatashye ubukwe bw'umwe mu bo mu muryango we

Kevin Kade na Jasinta batembereye Kigali Convention Centre bari kumwe n'umusore w'ibigango ubacungiye umutekano