IGIHE yagusanyirije zimwe mu ndirimbo nshya zamuritswe n’abahanzi nyarwanda muri iki cyumweru kiri kugana ku ku mosozo.

Kuri iyi nshuro abahanzi bakoze mu nganzo bagatanga ibihangano bishya barimo, Kevin Kade, Sintex, Logan Joe, Eloi El, Mavin ,n’abandi

“Pyramid ( TaTa)” – Kevin Kade, Kivumbi King na Drama T

Ngabo Richard uzwi nka Kevin Kade yamuritse kimwe mu bihangano bihuriye kuri EP ye ya mbere yise ‘Life Has Begun’ yahuriyemo n’abahanzi batandatu bo mu Rwanda n’i Burundi.

Ni indirimbo uyu muhanzi yise “Pyramid ( TaTa)” yakozwe na Kozze ukorera muri Country Records mu buryo bw’amajwi mu gihe amashusho yayo yakorewe i Burundi yatunganyijwe na John Elarts bigizwemo uruhare na Kobi Entertainment.

“Anymore” – Eloi El

Eloi Muhoranimana [Eloi El] umuhanzi nyarwanda ukorana na Sony Music Entertainment binyuze mu nzu imufasha muri muzika Palm Tree Records yamurikiye abakunzi ba muzika indirimbo yise “Anymare”.

Iyi ndirimbo iri mu njyana ya EDM (Electronic Dance Music) yatunganyijwe n’uyu musore ukorera muzika ye hanze y’u Rwanda no mu Rwanda rimwe na rimwe iyo yahageze ari mu biruhuko.

“Ye Ye Ye” – Sintex

Mazimpaka Arnold (Sintex) yamuritse amashusho y’indirimbo “Ye Ye Ye” imwe mu zigize album yise “Hand of God Album”.

Iyi ndirimbo yatunganyijwe na Odilo, isozwa na Motif Di Don mu gihe amashusho yayo yakozwe na Ayo Merci.

“Umutuzo” – Logan Joe, Derek YMG na Trizzie Ninety Six

Logan Joe yahurije ahamwe abaraperi babiri barimo Derek YMG na Trizzie Ninety Six bakorana indirimbo bise “Umutuzo” itunganyirizwa muri 63 Studio, amashusho yayo yakozwe na Khalil 63rd afatanyije n’abarimo Isma Saiba, Seyn, Harris Regis, Olaf Datus na Arsene Derric.

“Vayo Hano” – Dizo Last , B-Threy, Trizzie Ninety Six na Angelo Jawanzaa

Producer Dizo Last yahurije hamwe abaraperi batatu barimo B-Threy, Trizzie Ninety Six na Angelo Jawanzaa bakorana indirimbo bise ‘Vayo hano’.

Iyi ndirimbo yatunganyijwe na Dizo Last mu buryo bw’amajwi, amashusho yayo akorwa na Kenny Shyaka afatanyije n’abarimo Joseph Rugwiza, Kevin Lloyd na Fidele Fidgo.

“Mama Kaliza” – Rich One na Social Mula

Umuraperi Rich One yiyambaje Social Mula mu ndirimbo yise “Mama Kaliza” yatunganyijwe na Laser Beat mu buryo bw’amajwi ndetse n’amashusho.

“Ishaza” – Mavin

Nyuma yo gukorana na Okkama, Mavin yagarukanye indirimbo yise “Ishaza” yatunganyijwe na Loader isozwa na Bob Pro amashusho yakozwe na Oscar Oskados.

“Jealous” – JD Young

JD Young yikojeje mu nganzo agarukana indirimbo yise “Jealous” igaruka ku musore ufuhira cyane umukobwa bakundana.

Iyi ndirimbo yatunganyijwe na Niz Beatz mu buryo bw’amajwi amashusho akorwa na Fayzo Pro afatanyije na Dir.Sanib ndetse na Director C.

“Diana” – Obah Muzik

Mugisha Obadiah ukoresha amazina ya Obah muri muzika akaba n’umucuranzi wa guitar bass.

Iyi ndirimbo yatunganyijwe na Producer Renstar (yeweeh) mu buryo bw’amajwi na Isaac Bigogwe wacuranze Saxophone mu gihe amshusho yayo yakozwe na Sammy Jobert.

“No Games” – Utah Nice

Utah Nice yinjiranye muri muzika umuzingo muto w’indirimbo enye (Extended Play) yise “Madaah”.

Iyi EP igizwe ni ndirimbo zirimo “No Games” , “Motion”, “Away” , “Down” yatunganyijwe Quba.

“Umunyenga” – Yves Parker

Yves Parker yinjiranye muri muzika indirimbo yise ‘Umunyenga’ yatunganyijwe na Evy Decks mu buryo bw’amajwi yasojwe na Bob Pro mu gihe amashusho yayo yakozwe na The creator.

“Amateka” – Charles Kagame

Umuhanzi w’indirimbo zo kuramya no guhimbaza Imana, Charles Kagame yamurikiye abakunzi ba muzika indirimbo yise “Amateka” yatunganyijwe Nicolas afanyije na Sammy Pro amashusho yayo yakozwe na Moriox Media.

“Ntibeshya” – Jerusalem Choir

Korali Yerusalemu iri mu zifite amateka akomeye mu Itorero ADEPR Rwahi yasohoye amashusho y’indirimbo bise “Ntibeshya”.

Iyi korali ni yo ya kabiri yashinzwe muri ADEPR nyuma ya Bethania y’i Gihundwe, ibarizwa mu Itorero rya Rwahi, Paruwasi ya Kamembe mu Rurembo rwa Gihundwe. Yavutse mu 1965.

Kugeza ubu igizwe n’abaririmbyi 65 mu myaka 58 imaze yakozemo indirimbo zisaga 530.

“Sinabona amagambo” – Chorale la Source

Ni indirimbo ya Chorale la Source ikorera umurimo w’ivugabutumwa mu Karere ka Rubavu mu itorero ADEPR Mbugangali ikaba indirimbo ya Gatatu mu zigize Album yabo ya Kane izasohoka tariki 20 Kanama 2023.

Ikubiyemo Ubutumwa bugaruka ku mirimo itangaje Imana ikora bukubiye mu ijambo ry'Imana riboneka muri Zaburi :71:22-23.

Handitse hati “Nanjye nzagushimisha nebelu, Mana yanjye, nzashima umurava wawe. Ni wowe nzaririmbira ishimwe mbwira inanga, Uwera w'Abisirayeli we.”

“Iminwa yanjye izishima cyane, ubwo nzakuririmbira ishimwe, n'ubugingo bwanjye wacunguye buzishima.”