KFK yabigarutseho mu kiganiro yagiranye na IGIHE, aho yavuze ko yakomotse ku munsi bagiye gusura inshuti ze, bacuranga ‘Laho’ agatangira kuririmba ngo ‘Muraho’, bakaza kugira igitekerezo kivuye kuri uwo muntu.

Ati “Hari umuntu twagiye kureba bashyiramo ‘Laho’ ya Shallipopi, na we atangira kuririmba ngo ‘Muraho’. Twavuye aho tujya kwa Ehl3rs, kuyisubiramo. Twayikoze tudashaka gukora ikintu kigoranye. Muraho ni nziza kandi igomba kuba ihari muri ibi bihe twinjiyemo by’impeshyi.”

KFK ni umwe mu bahanzi bari kuzamuka ndetse mu minsi yashize ni umwe mu bitabajwe basusurutsa abantu batandukanye bari bitabiriye BAL yaberaga i Kigali.

Uretse ‘Muraho’ yasubiranyemo na thedicekid, yakoze izindi ndirimbo zitandukanye zamenyekanye nka ‘Code’, ‘Patience’, ‘Racks’ yakoranye na Ish Kevin, ‘Business’ yakoranye na Skilla Baby wo muri Amerika na Major Kev n’izindi.

Uyu musore w’imyaka 26 ubusanzwe avuka mu muryango wa Alpha Rwirangira ndetse na Laika Umuhoza, uri mu bahanzikazi bagezweho mu Mujyi wa Kampala muri Uganda.

Reba Muraho indirimbo KFK aheruka gusubiramo

Reba ikiganiro KFK na Kenny K-Shot baheruka kugirana na IGIHE

Reba ‘Laho’ ya nyayo ya Shallipopi na Burna Boy