Abahanzi n’abandi bazwiho kuryoshya ibirori bakoze iyo bwabaga bategura ibitaramo, bigamije gufasha abizihiza uyu munsi kuryoherwa.

Ni umunsi bamwe batari bitezeho ibirori bikomeye, kubera ko wabaye mu minsi y’imibyizi aho kuba muri Weekend, ubwo benshi ba baruhutse.

IGIHE yikojeje hirya no hino, irebera hamwe uko byari byifashe mu bitaramo bitandukanye byabereye mu mujyi wa Kigali.

Hari abahisemo kujya mu nzu y’Imana

Kuri uyu munsi abakundana bateguriwe umugoroba wo gusangira amafunguro n’ijambo ry’Imana, bigira hamwe uko urukundo rwabungabungwa mu rushako.

Ni igitaramo cyiswe ‘Couples Dinner’ cyateguwe na Irere Foundation, aho abacyitabiriye bagaburiwe ijambo y’Imana na Rev. Dr Antoine Rutayisire, baririmbirwa na Aime Uwimana.

Umushumba wa Paruwasi ya Remera mu Itorero ry’Abangilikani mu Rwanda, Rev Dr Antoine Rutayisire yavuze ko iyo urugo rwubakiye ku gukunda Imana, urukundo no kumenya impamvu zarwo aribyo bituma rugira isura nziza.

Ibi birori byabereye muri Radisson Blue Hotel & Kigali Convention Centre, byitabiriwe n’abari bazanye n’abafasha babo cyangwa abo bitegura kurushinga, aho abenshi bari bambaye imyenda ijyanye na St Valentin, ndetse bamwe bari bitwaje indabo zo gutungura abo bihebeye.

Rev Dr Rutayisire yagarutse ku isura y’urugo rwiza n’uburyo ruba rwubatse aho yifashishije by’umwihariko ibyanditse muri Matayo 7: 24.

Symphony Band yataramanye n’abakundana

Itsinda ry’abanyamuziki ‘Symphony Band’ mu ijoro ry’uyu munsi ryahisemo gusangira n’abakunda ibihangano byabo no gufasha abasohakanye n’abakunzi babo kwizihirwa n’uyu munsi.

Iki gitaramo cy’aba basore bazwiho ubuhanga mu kuryoshya umuziki wa Live, bagikoreye ahitwa Molato i Remera mu Giporoso.

‘Inkera y’urukundo’

Kimironko ahitwa Cayenne resort hahuriye abakunda umuziki gakondo ndetse na zimwe mu ndirimbo zo hambere ziganjemo amagambo y’urukundo.

Ni igitaramo cyiswe ‘Inkera y’urukundo’ , abasohokeye muri iki gitaramo mu rwego rwo kwizihiza umunsi wahariwe abakundana wa Saint Valentin bataramiwe n’itsinda ry’Indashyikirwa (Gakondo Iganze) , ndetse n’abakobwa babiri b’impanga Ange na Pamela.

Ni birori byitabiriwe na couple zitandukanye harimo iza abanyamakuru barimo Samu Karenzi n’umufasha we , Uwimana Clarrise n’umugabo we ndetse na Hageninama Benjamin (Gicumbi ), n’abandi batandukanye.

Bwiza mu ijoro ry’urukundo

Umuhanzikazi Bwiza Emerance ubarizwa muri Kikac Music mu ijoro ryo kuri uyu munsi wa Saint Valentin yifuje guhura n’abakunda ibihangano bye , bahurira kuri Galaxy Hotel mu gitarano cyiswe ‘A night of romance’.

Mu muziki wa Live uyu muhanzikazi yaririmbye zimwe mu ndirimbo ze zirimo, ‘Soja’, ‘Yiwe’, ‘Ready’, n’izindi zitandukanye, uyu muhanzikazi kandi yanifashishije indirimo ‘Uwo muntu’ ya Mico The Best .

Abakundana kenshi na kenshi basokana bambaye imyenda isa mu rwego rwo kwerekana ko babaye umwe

Abari muri iki gitaramo cyari cyiswe ‘Couples Dinner’ bari baryohewe n'urukundo bizihizaga

Abasore bagize Symphony Band bakoze iyo bwabaga bishimana n'abasokanye abakunzi babo

Abanyamahanga bari mu Rwanda nabo bashatse aho bajya kwizihiza ibi birori

Akanyamuneza kari kose ku bakundana bahisemo kwizihiza urukundo rwabo bumva ijambo ry'Imana

Wari umugoroba wo gusangira no kongera kubaka urukundo rwa benshi

Akanyamuneza kari kose kubakundana

Bari bagerageje kugana ahari umuziki ngo ubafashe kuryoherwa n'urukundo rwabo

Angel na Pamella bari batumiwe mu gitaramo cyo gufasha abantu kuryoherwa na St Valentin

Banyuzagamo bagahaguruka bakabyina zimwe mu ndirimbo zacuranzwe

Ibyishimo byari hejuru cyane mu bakundana

Ben na Chance bamenyerewe mu muziki wo kuramya no guhimbaza Imana baririmbye mu birori byo kwizihiza St Valentin byabereye muri Kigali Convention Center

Abitabiriye igitaramo cya Symphony Band batashye banyuzwe

Abakundana bari baserukanye kuri uyu munsi wo kwizihiza urukundo rwabo

Biba ari ibyishimo iyo wasohokanye n'uwo ukunda

Bari bizihiwe n'igitaramo gakondo

Buri wese ntawundi yifuzaga kwicarana nawe uretse umukunzi we bari baserukanye

Ben na Chance bari bishimiye umunsi wahariwe abakundana 'St Valentin'

Igitaramo cy'umuziki gakondo cyongeye kubaka imitima y'abakundana bari bakitabiriye

Irimbere Christian n'umugore we Semutakirwa Cheline bizihirije umunsi wahariwe abakundana bumva ijambo ry'Imana

DJ Ira yari yaje gushyigikira Symphony Band

Etienne usanzwe ari mu bagize itsinda rya Symphony Band uretse gucuranga Piano yamaze no kwinjira mu kuvanga imiziki

Itorero Iganze Gakondo ryaserutse mu mabara y'umutuku n'umukara mu gitaramo cya St Valentin

Umuziki wa Symphony Band wanyuze benshi

Itorero Iganze Gakondo ryasusurukije abakundana bari bitabiriye igitaramo cyabo

Kenny Mirasano yari ari gufatanya na Symphony Band gususurutsa abakundana bari basohokeye aho bataramiye

Nubwo Saint Valentin yabaye ku munsi w'akazi ntibyabujije abiyizihiza kunyurwa nayo

Nyuma yo kumva amagambo ari mu ndirimbo zimwe na zimwe zacuranzwe banyuzagamo bakabwirana amagambo meza y'urukundo

Nyuma yo kumva ijambo ry'Imana bahayeho umwanya wo gusangira

Rev Dr Antoine Rutayisire n'umufasha we baganirije abashakanye n'abakundana ku munsi wa St Valentin

Rev Dr Antoine Rutayisire yavuze ko iyo urugo rwubakiye ku gukunda Imana, urukundo no kumenya impamvu zarwo aribyo bituma rugira isura nziza

Umunyamakuru Sam Karenzi n'umufasha we bari bagiye gusangirira St Valentin mu gitaramo cya gakondo

Abasore ba Symphony Band bakaraze umurya wa gitari basusurutsa abakundana bari basohokeye mu gitaramo cyabo

Aime Uwimana yataramiye abakundana bari basohokeye muri Kigali Convention Center

Ku rundi ruhande amashusho y'urwibutso yafashwe

Umunyarwenya Fally Merci yasusurukije abakundana bari baserukiye muri Kigali Convention Center

Abitabiriye igitaramo cy'umuziki gakondo batashye banyuzwe

Uyu nyuma yo kunyurwa n'inyigisho za Rev Dr Rutayisire yatunguye umukunzi we

Big Rachel wafashije Smphony Band avuye ku rubyiniro yakiranywe urugwiro

Symphony Band yatanze ibyishimo ku bakundana bitabiriye igitaramo cyabo

Bahise bashimangira urukundo rwabo imbere y'imbaga y'abakirisitu bari bitabiriye iki gitaramo