Kuri iki Cyumweru tariki ya 11 Kanama 2013 guhera i saa tatu za mugitondo kugeza saa kumi n’ebyiri z’umugoroba (3AM – 6 PM), ahitwa Bambino Super City hazabera iserukiramuco ry’abana ryitwa ‘Kids Premium Festival’.

Iri serukiramucov rizaba rigizwe n’ibyiciro bitatu hakurikijwe imyaka; ibyo byiciro akaba ari Kids Premium Festival, Youth Festival ndetse na Oldies Festival.

Muri iri serukiramuco hazabaho kurushanwa ku bana mu mikino itandukanye;

• 1. Amarushanwa yo kwirukanka, kubyina no kuririmba
• 2. Gutora Miss na Mr kids Premium Festival (abagize akanama nkemurampaka bazaba ari abana bagenzi babao)

• 3. Gukina umupira w’amaguru n’ibindi

Muri iri serukiramuco abana bazatsinda bazahembwa ibihembo bishimishije muri buri cyiciro azahataniramo.

Abana bazaryitabira bazataramirwa n’abahanzi Lil G, Benzo, Davys B, Edouce na Bruce Melody. Hazaba kandi hari na Calpsoman, Arthur na Junior bo muri Komedi Nayiti.

Abana bazahabwa ibyo kurya n’ibyo kunywa ku buntu.

Kwinjira muri iri serukiramuco ni ukwishyura amafaranga ibihumbi icumi kuri buri muntu (10,000Rwf).