Mu gihe benshi barangizaga umwaka wa 2019 binjira mu wa 2020, ninako abakunzi b’ibirori bari bateguriwe ibitaramo binyuranye byo kubasusurutsa . ROC NYE ni igitaramo ngarukamwaka gihuza aba Djs bakomeye cyongeye kubera mu mujyi wa Kigali, kirangira mu gitondo.

Muri iki gitaramo hari hatumiwe aba Djs barimo DJ Ommy crazy wavuye muri Tanzania, DJ Tyga, DJ Julz, DJ Marnaud, DJ Sparks wavuye mu Bwongereza, DJ Miller, DJ Kim na DJ Klean.

Ku rubyiniro habanjeho DJ Kim wafashe umwanya we ashimisha abakunzi be hakurikiraho DJ Julz, uyu yahuye n’isanganya ibyuma biramutenguha ava ku rubyiniro adasoje gucuranga.

Byatumye hakurikiraho DJ Klean asoje habona gusubiraho DJ Julz wari watengushywe n’ibyuma, hakurikiraho DJ Tyga wakurikiwe na DJ Ommy Crazy wavuye muri Tanzania, uyu akaba ariwe wacuranze igihe kinini kurusha abandi.

Dj Sparks waturutse mu Bwongereza, nubwo yaturutse ku mugabane w’u Burayi yatunguranye acuranga indirimbo nyinshi zo muri Afurika nawe ashimisha abakunzi b’umuziki bari bitabiriye ku bwinshi.

Uyu yavuyeho hajyaho Dj Marnaud wakurikiwe na DJ Miller wavuye ku rubyiniro saa kumi n’ebyiri n’igice za mu gitondo, aba ari nawe usoza iki gitaramo cyari cyatewe inkunga na Skol Rwanda.

Dj Kim na Dj Julz bamwe mu bacuranze muri iki gitaramo

Dj Klean yacuranze muri iki gitaramo

2020 yageze, abantu bari babukereye biteguye kubyina umuziki

Skol nicyo kinyobwa cyari kiri muri iki gitaramo

Umuziki wabyinwe karahava

Abakunzi b'umuziki bari bitabiriye

Abanyamahanga bari mu Rwanda bari bamenye aho gusoreza umwaka

Skol yarangije umwaka yerekanye ko ari ikinyobwa gikunzwe n'Abanyarwanda

Umuziki bawubyinnye batitaye ku masaha

Dj Ommy Crazy wo muri Tanzania ni we wacuranze igihe kinini ugereranyije nabandi

DJ Sparks waturutse mu Bwongereza yashismishije abitabiriye iki gitaramo

Abantu baje kuba benshi igitaramo kirashya nkuko abubu babivuga

Dj Marnaud yacuranze mu rukerera

Nubwo bwendaga gucya ariko yashimishije abantu batigeze baruhuka kubyina umuziki

Bari koherereza abo basize mu rugo ubutumwa bwo kubifuriza umwaka mushya muhire

Dj Miller yacuranze hakurya isake ziri kubika bwakeye

Kugeza mu gitondo abantu bari bagifite ubushake bwo kubyina

Igitaramo ni uku cyasojwe saa kumi n'ebyiri n'iminota mirongo itatu (6h30) za mu gitondo

Kugeza mu gitondo mucoma yari agifite akazi

Amafoto: Dushimimana Ami Pacifique