Mu kiganiro “Keep up with the Kardashians” mu kwezi gushize, Kim yabaye umunyakuri ahishura ko ubwo yifataga amashusho arimo gusambana yari yanyoye ibiyobyabwenge, kimwe n’igihe yashakaga umugabo wa mbere, Damon Thomas, mu 2000, afite imyaka 19 gusa.

Ati "Nashatse umugabo nafashe ibiyobyabwenge. Ku nshuro ya mbere. Nongeye indi nshuro, nifata amashusho nsambana. Muri make ikintu kibi cyose cyashoboraga kubaho.”

Ayo mashusho y’urukozasoni Kim Kardashian yayafashe ubwo yaryamanaga na Ray J bakundanaga, ubwo bizihizaga isabukuru y’imyaka 23 ya Kim Kardashian.

Mu kiganiro Busy Tonight ku Cyumweru, uyu mugore w’imyaka 38 yahishuye ko umubyeyi we Kris Jenner yagize uruhare runini mu gutuma areka imyitwarire mibi yari yishoyemo.

Yavuze ko bafitanye umubano ukomeye, ku buryo yamubwiraga ikintu cyose kimuri ku mutima.

Yagize ati “Naratashye ndamubwira nti ‘Mana yanjye, mama nanyoye ibiyobyabwenge nijoro. Yari yicaye hejuru y’imashini imesa arambwira ati ‘kandi ntabwo uzabasha kubona urubyaro, ibi ntabwo bikwiye, urimo kwiyangiza! Wabonaga ababaye cyane.”

Uyu mugore avuga ko nyina yahoranaga impungenge ko umukobwa we agiye kuba imbata y’ibiyobyabwenge, kandi koko ngo byari bitangiye kumwibasira.

Gusa ubu ahamya ko yabiretse burundu.

Kim Kardashian avuga ko nyina ari we wamufashije kureka ibiyobyabwenge

Kim Kardashian na Ray Jay bifashe amashusho baryamanye kubera ibiyobyabwenge

Kim Kardashian yemera ko yakoresheje ibiyobyabwenge, hafi no kuba imbata yabyo

Umubyeyi wa Kim Kardashian niwe wamufashije kureka gukoresha ibiyobyabwenge