U Rwanda ruhagarariwe n’abagore batatu, Butera Knowless na Charly na mu cyiciro cy’umuhanzi wahize abandi mu bagore muri Afurika y’Uburasirazuba mu gihe Sherrie Silver [umubyinnyi wabigize umwuga] ahatanye mu cyiciro cy’umubyinnyi mwiza ku Mugabane wa Afurika.

Ni ku nshuro ya kabiri Butera Knowless na Sherrie Silver bahataniye ibi bihembo, bwa mbere babyinjiyemo mu mwaka wa 2016 ari nab wo bwa mbere igihugu cy’u Rwanda cyahagarariwe muri ibi bihembo gusa ntibabasha gutsinda.

Uyu Sherrie Silver ashyizwe mu cyiciro cy’ababyinnyi bafite umwihariko muri Afurika mu gihe hashize icyumweru kimwe abonetse mu bazahatanira ibihembo bya MTV VMAs[mu cyiciro cya “Best Choreography”] by’umwaka wa 2018 biturutse ku mbyino yayoboye z’amashusho y’indirimbo ‘This Is America’.

Charly na Nina ni ubwa mbere bagiye guhatanira ibihembo bya Afrimma Awards; aba bakobwa basanzwe bafite ibindi bihembo bikomeye bakuye muri Uganda mu myaka itandukanye.

Charly na Nina babonetse ku rutonde rw'abahataniye ibihembo bya Afrimma

Itsinda rya Charly na Nina ryibonye ku rutonde rushya rw’abahataniye ibihembo bya Afrimma Awards mu gihe ryari rimaze amezi abiri n’imisago rikorera ibitaramo mu Burayi.

Abategura Afrimma Awards basohoye urutonde rw’abahanzi bahatanye uyu mwaka kuri uyu wa Mbere tariki ya 23 Nyakanga 2018, bahise banatangaza ko ibirori byo gutanga ibihembo ku batsinze bizaba mu Ukwakira 2018 i Dallas, Texas muri Leta Zunze Ubumwe za Amerika.

Knowless Butera yongeye kuboneka mu bahahanzi bagaragaje umwihariko muri Afurika y'Uburasirazuba

Sherrie Silver uherutse gutorwa mu bahatanira MTV VMAs yashyizwe no muri Afrimma Awards

Urutonde rurambuye rw’abahataniye Afrimma Awards