Uretse Makanyaga Abdoul, iri serukiramuco rizagaragaramo abanyarwenya bagezweho muri iyi minsi, ari Mugisha na Rusine. Itsinda rya The Same rikunzwe i Rubavu naryo rizasusurutsa abazitabira iryo serukiramuco.

Muri iri serukiramuco hazaba hari kandi umunyarwenya Seth wubatse izina mu mukino witwa Miss Murenge n’izindi.

Uretse abazaba baturutse i Kigali n’abandi basanzwe ari ibyamamare, iri serukiramuco rizahuza abanyempano bo mu karere ka Rubavu barimo abakina ikinamico, urwenya, ababyina imbyino za gakondo ndetse n’injyana zigezweho.

Mu gutegura iri serukiramuco, habanje guhugurwa abanyempano mu buryo bwo kubongerera ubumenyi, kwagura impano zabo no kwiziteza imbere.

Mahoro Clement, Umuyobozi wa Igisubizo Entertainment Art yateguye iri serukiramuco avuga ko gukomatanya impano zitandukanye muri iri serukiramuco byitezweho kuzazamura ubufatanye bw’abanyempano mu iterambere ryabo.

Kivu Culture Festival izaba tariki 11 na 12 Ukuboza 2021 ahazwi nka St Fidele hahoze Kaminuza ya UTB.

Makanyaga Abdul n’abanyarwenya Mugisha na Rusine bagiye gutaramira i Rubavu

Makanyaga Abdul agiye gususurutsa abanya Rubavu

Bwa mbere Mugisha na Rusine bagiye gutaramira i Rubavu

Itsinda rya The Same riri mu bahanzi bakomeye i Rubavu naryo rizataramira abazitabira iri serukiramuco