Mico The Best yahishuye uko Bruce Melodie yari agiye kugura indirimbo ye yise “Igare”

Yanditswe na Nsengiyumva Emmy
Kuya 16 Nzeri 2020 saa 10:46
Yasuwe :
0 0

Umuhanzi, umwanditsi akaba n’umuhanga mu gutunganya indirimbo, Mico The Best, muri iyi minsi ni umwe mu bagezweho by’umwihariko aho afite indirimbo iri mu zikunzwe yitwa “Igare”. Uyu mugabo yahishuye uko Bruce Melodie yari agiye kuyigura ngo ibe iye.

Umukono wa Mico The Best mu kwandika indirimbo wabaye imari ishyushye kuri Bruce Melodie kuko aherutse kumugurira indirimbo ebyiri harimo iyitwa “Fresh” n’indi yitwa “Saa moya”.

Mico yahishuye ko habuze gato ngo anamugurishe iyitwa Igare iri mu zigezweho inaherutse kumuhesha igihembo kiruta ibindi muri Kiss Summer Awards.

Mu kiganiro na IGIHE, Mico The Best wari umaze kwegukana igihembo cya Kiss Summer Awards nk’umuhanzi wakoze indirimbo yakunzwe cyane muri ibi bihembo ari nacyo gikuru gitangwa, yavuze uko byagenze ubwo Bruce Melodie yifuzaga kugura indirimbo “Igare”.

Ati “Byabayeho, nta kintu na kimwe ntagurisha. Nari kuyimuha rwose, icyabaye ni uko Bruce Melodie yampamagaye imburagihe.”

Icyo gihe ngo Bruce Melodie yamuhamagaye undi yatangiye kuyifatira amashusho.

Ubwo yavugaga ku ndirimbo “Saa moya” yagurishije Bruce Melodie, Mico yavuze ko yaterwaga ubwoba no kuba yatsinda mu bihembo nawe ari guhatanamo mu gihe ariwe wayanditse.

Ati “Nahoraga mvuga nti nk’ubu intsinze ari njye wayitanze byaba ari ibiki? Byari kumbabaza ariko ngatahana ishema rivuga ngo wari ufite ibihangano byose bikunzwe.”

Mico The Best amaze imyaka irenga 10 muri muzika, Kiss Summer Awards nicyo gihembo cya mbere yegukanye mu buzima bwe nk’umuhanzi.

Ikiganiro na Mico The Best

Reba hano indirimbo "Igare" Mico The Best yari agiye kugurisha na Bruce Melodie

Indirimbo "Igare" Mico The Best yari agiye kugurisha Bruce Melodie iherutse kumuhesha igikombe kiruta ibindi muri Kiss Summer Awards

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .