Iki gitaramo cy’iserukiramuco rya Blanket Wine riri kuba ku nshuro ya 29 giteganyijwe ku wa 30 Mata 2023 kizabera i Kampala muri Uganda ahazwi nka Lugogo Cricket Oval.

Cassper Nyovest watangiye muzika mu 2004 ari mu itsinda ry’abana bato baririmba injyana ya Hiphop ‘Childhood Gangsta’ yatangiye kwamamara mu 2014 biturutse kuri album ye ya mbere yise "Tsholofelo" .

Uyu muraperi yanashinze inzu ifasha abahanzi ya Family Tree Records, yiyongera ku nzu y’imideli ‘Root of Fame’ (ROF) ahuriyemo na Lekau Sehoana.

Mike Kayihura ni umwe mu basore bagezweho muri muzika nyarwanda binyuze mu ndirimbo zirimo, Sabrina, Tuuza, Anytime, Jaribu ndetse n'izindi zitandukanye.

Abandi banyamuziki bazaba bari muri iki gitaramo barimo Azawi uherutse gukora indirimbo yise “Ten over Ten”, yamamariye mu ndirimbo nka ‘Slow Dancing’ ,‘Bamututte’ , n’izindi.

Undi ni Bensoul umunya-Kenya wegukanye Grammy Awards 2021, igihembo akesha imwe mu nyandiko yashyize mu ndirimbo 'Time Flies' iri kuri album ya Burna Boy yise ‘Twice As Tall’.

Muri iki gitaramo kizayoborwa na Miss Deedan biteganyijwe ko hazamurikirwamo imyenda ya yahanzwe n’inzu y’imideli ya Moshions.

‘Jaribu’ imwe mu ndirimbo za Mike Kayihura

‘Ten Over 10’ indirimbo nshya ya Azawi

‘4 Steps Back’ imwe mu ndirimbo za Cassper Nyovest

‘Dondosa’ indirimbo Bensoul aherutse guhuriramo na Bayanni