Iki gitaramo cyitabiriwe n’abiganjemo urubyiruko, abakunzi b’umuziki wa R&B, Afro-fusion n’indirimbo zituje zitanga ubutumwa, ni kimwe mu byishimiwe kubera imitegurire yacyo.

Mike Kayihura uzwi cyane mu ndirimbo zirimo “Anytime,” “Sabrina” n’izindi yagaragaje ubuhanga n’ubunararibonye mu gutanga ibyishimo, bituma abakunzi be bamuhamiriza ko ari umwe mu bahanzi bakomeje kuzamura umuziki w’u Rwanda ku rwego mpuzamahanga.

Ubwo Mike Kayihura yari ku rubyiniro yasabaga abafana be kumufasha kuririmba, ndetse benshi bakajyana na we mu ndirimbo byumvikana ko bazizi kandi bazikunda.

Kivumbi na we yageze ku rubyiniro agaragaza ko afite umwihariko mu gufata ku mitima ya benshi abinyujije mu ndirimbo ze.

Kivumbi yaririmbye indirimbo nyinshi zatumye bamwe mu bitabiriye igitaramo bagaragara bafite amarangamutima menshi, abandi babyina bagaragaza ibyishimo, bigaragaza uko umuziki we ugera ku mitima ya benshi by’umwihariko urubyiruko.

Icyongeye gushimisha abakunzi b’umuziki ni uko aba bahanzi bombi basangiye urubyiniro mu ndirimbo yitwa ‘Sabrina’ bahuriyemo, bishimisha cyane abafana babo.

Abitabiriye iki gitaramo bagaragaje ko banyuzwe n’uburyo cyateguwe, umutekano wari uhari n’ubwiza bwa Kigali Universe nk’ahantu hakomeje kwakira ibitaramo bikomeye.

Abandi bahanzi baririmbyemo bakizamuka barimo Nillan na Ella Rings.

Abavanga imiziki batandukanye bahawe umwanya

Ababishoboye bafashe amafoto y'urwibutso kuri iki gitaramo

Abanyempano batandukanye bahawe umwanya muri iki gitaramo

Abakunzi b'ijyana za R&B, Afro-fusion n’indirimbo zituje bari muri iki gitaramo

Urubyiruko rwishimiye abahanzi bihebeye

Abiganjemo abakobwa bari bitabiriye

Bruce Melodie ni umwe mu bari bitabiriye iki gitaramo

Babu ni we wayoboye iki gitaramo

Coach Gaël yari ari muri iki gitaramo

DJ Pius ni umwe mu bari bitabiriye

Ella Rings yasusurukije abari bitabiriye

Iki gitaramo cyari cyitabiriwe

Inkumi zari zabukereye

Kivumbi yacurangiye abari bitabiriye na guitar

Mc Bior ufatanya gucuranga no gushyushya ibitarama ni umwe mu bahawe umwanya basusurutsa abakunzi ba Kivumbi King na Mike Kayihura

Mike Kayihura na Kivumbi baririmbanye indirimbo bahuriyemo zirimo "Sabrina"

Mike Kayihura yashimishije abari bitabiriye

Muyoboke Alex ni umwe mu bitabiriye

Nillan ni umwe mu bahanzi basusurukije abari bitabiriye

Selecta Faba yacurangiye abari bitabiriye

Nillan yashimishije benshi