Ni ibirori byabereyemo ibikorwa bitandukanye kuko byahurijwemo imideli, umuziki n’ibindi bitandukanye. Ku ikubitiro abitabiriye hafi ya bose banyuze ku itapi itukura, bafatwa amafoto abandi baganiriza itangazamakuru.

Nyuma bahawe ikaze na Sherrie Silver wabiteguye, agaragaza ko icya mbere cyatumye abitekereza yashakaga gufasha urubyiruko rufite impano, yaba mu kuzimurika no mu bundi buryo bushoboka bwarufasha kwiteza imbere no kugirira umumaro igihugu.

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Umutoni Sandrine, yashimiye Sherrie Silver wabitekereje ndetse by’umwihariko akabikora agamije gukomeza guteza imbere impano.

Yagaragaje ko ari ishema kuba umwe mu bitabiriye uyu mugoroba udasanzwe, ati “Ndashaka gutangira nshimira Sherrie Silver kubera uko yakoresheje impano ye mu gufasha abandi, mu kubafungurira amarembo, no mu gutuma ubuhanzi bw’Abanyafurika bugera kure hashoboka. Iri joro ni ikimenyetso cyerekana icyo bishobora kuvamo iyo twizera urubyiruko kandi tukarushoramo binyuze mu buhanzi atari ugukora ubugiraneza, ahubwo nk’urufunguzo rw’impinduramatwara ku gihugu.”

Yakomeje avuga ko urugendo rw’umuhanzi rutangirira ku kwizera impano, inzozi, no kwizera ko ubuhanzi buzahora ari imbarutso y’iterambere ry’imibereho y’abantu.

Yavuze ko Leta y’u Rwanda iyobowe na Nyakubahwa Perezida Paul Kagame, yashinze imizi kuri uwo mugambi wo guteza imbere ubuhanzi. Ati “Twiyemeje gushyira ubuhanzi n’ubugeni mu mutima w’imbarutso y’impinduka z’igihugu cyacu.”

Yasabye kandi abafatanyabikorwa, abashoramari n’inshuti, gukomeza gushora imari mu rubyiruko rw’u Rwanda, babaha amahirwe, ubujyanama, n’ubumenyi burambye. Ati “Kuko iyo mushoye mu musore cyangwa inkumi ifite impano, muba mushoye mu bukungu n’iterambere ry’aho bakomoka.”

Ijoro ry’ibidasanzwe…

The Silver Gala’ habereyemo ibindi bikorwa bitandukanye. Muri ibyo harimo kuba Jolly Mutesi yaguze 1000$ (asaga miliyoni 1,4 Frw) umwenda w’Ikipe ya PSG yo mu Bufaransa wanditswe n’abakinnyi b’iyi kipe.

Yawuguze agamije kuwugira umutako iwe. Uyu mukobwa yatanze aka kayabo ahigitse abandi bashakaga kuwugura ariko bari kubyiganira kuri 700$.

Muri ibi birori bya kandi hahembwe abari bambaye neza. Ni igihe cyahataniwe n’abarimo Olivia The Design, Bwiza, Anitha Urayeneza uzwi mu ishoramari nka nyiri Romantic Garden, Mutesi Jolly, Miss Nishimwe Naomie, Tanga Designs, Juno Kizigenza na Ross Kana.

Aba bose Bwiza ni we wabahigitse yegukana 1000$. Ni ku nshuro ya kabiri Bwiza yegukanye iki gihembo kuko no mu mwaka ushize ibi birori biba bwa mbere ari we wari watsinze.

BK Foundation kandi yemeye kwishyurira abana 100 bo muri Sherrie Silver Foundation, amashuri yaba ari abiga mu ya Leta cyangwa ayigenga.

Umuhanzi w’imideli mwiza yahembwe 5000$ na internet ya Canal Box y’amezi atandatu. Iki gihembo cyahawe abitwa Icyacumi.

Abitabiriye ibi birori basusurukijwe n’abahanzi batandukanye barimo Juno Kizigenza, Butera Knowless, Massamba Intore, Chella wo muri Nigeria na Sherrie Silver afatanyije n’abana yahurije muri Sherrie Silver Foundation.

Umwe mu bayobozi ba BK Arena yahaye ikaze abantu bari bitabiriye The Silver Gala yabereye muri iyi nyubako

Icyacumi yahembwe nk'inzu y'imideli yahize izindi

Vex Prince uri mu bahanzi bakizamuka yasusurukije abari bitabiriye The Silver Gala

Uyu mwambaro Miss Jolly yawuguze arenga miliyoni 1,4 Frw

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Umutoni Sandrine ubwo yakirwaga na Sherrie Silver ku itapi itukura

Sherrie Silver ari mu bagaragaje ibyishimo birenze muri The Silver Gala

Aba ni bo bari bahataniye igihembo cy'abaserutse bambaye neza

Sherrie Silver ni umwe mu bakobwa bamaze kubaka izina rikomeye

Sherrie Silver inshuro nyinshi yagiye ajya ku rubyiniro agiye gutaramira abitabiriye cyangwa kubaganiriza

Minisitiri Sandrine Umutoni yashimiye Sherrie Silver ku bw'ibikorwa akomeje gukorera abana b'u Rwanda

Sherrie Silver ni uku yaserutse ku itapi itukura yambaye

Ross Kana yari amaze amezi menshi yitozanya n'abana bo muri Sherrie Silver Foundation

Ross Kana yaserutse mu myenda yera

Ross Kana ari mu baririmbiye abitabiriye The Silver Gala

Imideli iri mu byamurikiwe muri The Silver Gala

Mutesi Jolly yatanze 1000$ yo kugura umwambaro wa PSG wanditsweho n'abakinnyi b'iyi kipe

Miss Naomie mu baryohewe na The Silver Gala

Miss Nishimwe Naomie yahatanye mu bambaye neza Bwiza amutsinda icy'umutwe

Muri birori bya ‘The Silver Gala’ BK Foundation yemeye kwishyurira amafaranga y'ishuri abana 100 bo muri Sherrie Silver Foundation

Muri BK Arena hari hashyizwemo ikibumbano cya Sherrie Silver

Minisitiri Umutoni Sandrine yashimiye Sherrie Silver ukomeje guteza imbere ubuhanzi

Miss Mutesi na Miss Naomie bari bicaye hamwe

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Umutoni Sandrine akurikiye ibiri kubera muri The Silver Gala

Massamba yaserutse aherekejwe n'abana babarizwa muri Sherrie Silver Foundation bambaye bya Kinyarwanda

Massamba yaririmbye nyuma y'igihe yari amaze yitozanya n'abana babarizwa muri Sherrie Silver Foundation

Massamba yizihiye benshi mu bihangano bye bitandukanye

Massamba yageze aho ahamagara Sherrie Silver ku rubyiniro

Massamba ari mu baririmbye ibirori biri kugana ku musozo

Knowless yasusurukije abitabiriye The Silver Gala

Kivumbi ni umwe mu bakurikiranye ibirori bya The Silver Gala

Makeda ku rubyiniro yageragezaga gushimisha abitabiriye mu buryo bunyuranye

Juno Kizigenza yuriranye ku rubyiniro n'inkumi

Ubwo Juno Kizigenza yajyaga ku rubyiniro

Juno Kizigenza ni uku yaserutse ku rubyiniro yambaye

Abakunzi b'umuziki baryohewe karahava muri The Silver Gala

The Silver Gala yitabiriwe ku bwinshi

DJ Sonia yacurangiye abitabiriye mu miziki iryoheye amatwi

Ange wo mu itsinda rya Ange na Pamella ni umwe mu bari bitabiriye The Silver Gala

Bwiza yatowe nk'uwaserutse yambaye neza kurusha abandi

Coach Gael mu bitabiriye The Silver Gala

Mutesi Jolly mu bitabiriye The Silver Gala

Abanyamideli batandukanye bigaragaje muri The Silver Gala

Abana barererwa muri Sherrie Silver Foundation bahawe rugari barigaragaza

Abana babarizwa muri Sherrie Silver Foundation berekanye ubuhanga butandukanye muri The Silver Gala

Abanyamideli batandukanye bagaragaje ubuhanga bwabo muri The Silver Gala

DJ Lamper yacuranze muri The Silver Gala

Chella wasoje ibi birori ni umwe mu bahanzi bagezweho muri Afurika

Amafoto: Rusa Willy Prince & Cyubahiro Aimable Key