Bagiye mu biruhuko nyuma y’iminsi uyu musore yambitse impeta y’isezerano umukunzi we, amusaba kumubera umugore, undi arabyemera.

Mu mafoto basangije ababakurikira, baragaragaye bafite akanyamuneza aho basohokeye ku mazi ndetse bari no gusangira amafunguro atandukanye.

Rwiyemezamirimo Tesfaye yambitse impeta Miss Nishimwe Naomie, nyuma y’umwaka urenga bamaze bari mu rukundo aho badasiba kugaragariza ababakurikira ku mbuga nkoranyambaga ko bameranye neza.

Michael w’imyaka 29 nyuma yo kwemererwa urukundo na Miss Naomie w’imyaka 25, yahise yemera gutura burundu mu Rwanda, atangiza imishinga itandukanye irimo uwo gufasha abantu kwivuza indwara zo mu mutwe hakoreshejwe ikoranabuhanga.

Kuva bakundana aba bombi bamaze gutembera mu bihugu birimo Gabon, Ethiopia, Leta Zunze Ubumwe z’Abarabu, u Bushinwa n’ibindi.

Ku Birwa bya Zanzibar, Tesfaye na Naomie ni ho bagiye kuryohereza nyuma yo kwambika impeta uyu mukobwa

Tariki ya 1 Mutarama 2024 ni bwo Tesfaye Michael yambitse impeta Miss Nishimwe Naomie

Babanje gusangira mbere yo kumwambika impeta y'urudashira

Uyu musore wiyita umuhanuzi ku mbuga nkoranyambaga, yatambukije amafoto ashimangira ko we n'umukunzi we bagiye kurya ubuzima muri Zanzibar muri Tanzania

Naomie na Tesfaye ntibasiba kwereka ababakurikira aho bageze mu rukundo rwabo