00:00:00 IGIHE NETWORK KN KINYARWANDA EN ENGLISH FR FRANCAIS

Miss Nishimwe Naomie yavuze uko yakiriye kutitabira Miss World

Yanditswe na Nsengiyumva Emmy
Kuya 15 Gashyantare 2021 saa 07:43
Yasuwe :
0 0

Miss Nishimwe Naomie wegukanye ikamba rya Miss Rwanda mu 2020, yabaye umukobwa wa mbere utitabiriye irushanwa rya Miss World kuva u Rwanda rwakwemererwa kuryitabira mu 2016.

Miss World yagombaga kuba mu mwaka wa 2020 ntiyabaye kubera icyorezo cya COVID-19 cyazengereje Isi.

Kutaba kw’iri rushanwa, byatumye Miss Nishimwe Naomie atabasha kuryitabira, bimugira umukobwa wa mbere wegukanye ikamba rya Miss Rwanda ntiyitabire Miss World kuva u Rwanda rwatangira kuryitabira.

Mu kiganiro na IGIHE, Miss Nishimwe Naomie yavuze ko nubwo kutitabira iri rushanwa byamubabaje cyane ariko bitewe nuko ntacyo yari kubikoraho, yahisemo kwiyakira akabyihanganira.

Yagize ati “Buri kintu cyose iyo kibaye uba ugomba kucyakira, ni byo byarambabaje ariko nagombaga kubyakira nyine ubwo nta kundi.”

U Rwanda rwemerewe kwitabira irushanwa rya Miss World mu mwaka wa 2016, Miss Jolly Mutesi aba uwa mbere waryitabiriye.

Nyuma ya Jolly Mutesi, hakurikiyeho Miss Iradukunda Elsa na Miss Iradukunda Liliane, uherukayo aba Miss Nimwiza Meghan witabiriye Miss World 2019.

Aba bakobwa bose uko bitabiriye iri rushanwa nubwo nta wabashije kwegukana ikamba, bagiye bitwara neza mu buryo bumwe n’ubundi kuko buri umwe hari icyiciro yabashije kurenga muri iri rushanwa rihuza abakobwa baturutse ku Isi yose.

Ni ubwa mbere habaho gusiba kwa Miss World kuva u Rwanda rwakwemererwa kwitabira iri rushanwa, iyi ni imwe mu ngaruka za COVID-19 yazengereje Isi muri rusange idasize n’u Rwanda.

Ikiganiro na Miss Nishimwe Naomie

Miss Nishimwe Naomie yabaye umukobwa wa mbere utitabiriye Miss World kuva u Rwanda rwatangira kwitabira irushanwa
Miss Nimwiza Meghan ni we uheruka kwitabira irushanwa rya Miss World ryabereye i Londres mu mwaka wa 2019
Miss Rwanda Iradukunda Liliane wari uhagarariye u Rwanda muri Miss World 2018 i Sanya mu Bushinwa, yatowe mu bakobwa 25 bafite ubwiza bufite intego ’Beauty with a Purpose’
Miss Iradukunda Elsa yitabiriye Miss World 2017 aza mu bakobwa batanu bagaragaje neza umuco wabo ku rwego rwa Afurika
Miss Jolly Mutesi yabaye umukobwa wa mbere witabiriye irushanwa rya Miss World aharagarariye u Rwanda

Kwamamaza

Kwamamaza

Kwamamaza

TANGA IGITEKEREZO

AMATEGEKO AGENGA IYANDIKA RY'IGITEKEREZO CYAWE
Kwamamaza

Special pages
. . . . . .