Sonia Rolland amaze iminsi ashyira hanze amafoto y’uruhererekane atuma avugwaho mu buryo budasanzwe. Yaherukaga kwifotoza atya muri Nyakanga 2017, icyo gihe yafotowe yambaye ikanzu y’umweru ibonerana ku buryo ibere ry’iburyo rigaragara, yayishyize hanze kuri uyu wa 12 Nyakanga 2017.

Muri Nzeri 2016 nabwo umugabo we Jalil Lespert yasohoye ifoto ya Sonia Rolland yambaye ubusa igice cyo hejuru agaragaza ko bishimiye bikomeye ibihe bagiranye mu biruhuko icyo gihe.

Sonia Rolland yongeye kwifotoza mu buryo bwatumye bivugisha abantu by’umwihariko abakoresha imbuga nkoranyambaga ndetse n’ibinyamakuru bitandukanye i Burayi byavuze kuri iyi foto igaragaza ibere ry’uyu mugore w’imyaka 36 ukomoka mu Rwanda.

Kuri aya mafoto mashya Sonia Rolland yashyize hanze, abamukurikira kuri Instagram bagarutse ku bwiza bwe banavuga ko imyaka afite ihabanye kure n’uburanga bwe n’uburyo ‘yigaragaza nk’umugore utewe ishema n’uko ameze’.

Ubwo aheruka kwibasirwa yifotoje yambaye ubusa, yagize ati "Muri iriya foto, nashakaga gutambutsa ubutumwa ku bagore mbabwira ko bakwiye kwigirira icyizere. Mu buryo busanzwe, nsanga ntacyo bitwaye kwerekana umubiri wanjye.”

Sonia Rolland yifotoje ahagaze mu gikoni yambaye isarubeti igaragaza ibere rimwe

Yafotowe n’umuhanga mu gufata amafoto abanyamideli witwa Amaryl­lis Josko­wicz, yayishyizeho mu buryo bwo kumushimira undi na we amwandikira agaragaza ko yanyuzwe no kuba barakoranye.

Sonia Rolland amaze iminsi yifotoza mu buryo bwerekana amabere

Miss Sonia Rolland yongeye gusohora amafoto yerekana amabere

Miss Sonia Rolland yari aherutse kwifotoza mu buryo bwavugishije abantu cyane

Sonia Rolland yaherukaga kwifotoza yambaye ubusa hejuru muri Nzeri 2016

Iyi foto yayishyize hanze mu ntangiriro za Nyakanga 2017

Sonia Rolland n'umugabo we Jalil Lespert

Ni Umufaransakazi ukomoka mu Rwanda

Sonia Rolland n'umwe mu bana be