Uyu mubyeyi w’abana bane ari mu bantu 121 bahataniye iri kamba kuva ku wa 1 Ugushyingo, aho uzahiga abandi azamenyekana ku wa 21 Ugushyingo 2025, mu birori bizabera mu nyubako ya Impact Challenger Hall yo mu Mujyi wa Nonthaburi muri Thaïlande.

Mbere y’uko aserukana na bagenzi be yabanje kwandika ubutumwa burebure ku rukuta rwe rwa Instagram, agaragaza ko atewe ishema n’umubiri we. ni ubutumwa yashyizeho ari kumwe n’abana be batatu, arangije agaragaza ko umubiri we wakoze amateka.

Mu butumwa yanditse, yahishuye urugendo rutoroshye yaciyemo mu myaka ishize. Yagaragaje ko yabyaye abana bane mu mezi 23, harimo n’umwe w’umumarayika yapfushije.

Yavuze ko bitari byoroshye nyuma yo kubyara yongera kwiyubaka bundi bushya, agaragaza ko mu myaka 13 ishize bitashobokaga kuri we, gutinyuka kongera kwambara bikini ku karubanda.

Ati “Buri munsi ndeba uyu mugore mu ndorerwamo, nkamubwira nti ‘ntewe ishema nawe’.”

Tuyishime Keita yavuze ko umubiri we ari urwibutso rw’urugendo rw’ubuzima, harimo ibikomere byo kubyara abazwe, amaribori, ububabare, imbaraga, n’amahitamo yo kubaho neza no kubungabunga ubuzima.

Yashimiye abagore bamuhumuye barimo abamamaye mu mikino itandukanye ndetse no mu myidagaduro barimo Allyson Felix, Naomi Osaka, Serena Williams, Shelly-Ann Fraser-Pryce na Alex Morgan.

Ati “Nshimira buri mugore wiyubaka, buri mubyeyi uri kongera kubona urumuri rwe, n’umukobwa wese uri kwiga gukunda uruhu rwe.”

Nicole Peiliker wo mu Birwa bya Bonaire na Tuyishime Solange Keita wo mu Rwanda ni bo bakuru bahatanye muri iri rushanwa rya Miss Universe. Bose bafite imyaka 42.

Uzegukana ikamba rya Miss Universe 2025, azaba asimbuye Victoria Kjær Theilvig wo muri Denmark w’imyaka 21, waryegukanye mu mwaka washize. Ushaka guha amahirwe Tuyishime uhagarariye u Rwanda muri Miss Universe wajya muri Playstore cyangwa muri Apple Store ugashaka ‘application’ y’irushanwa.

Tuyishime Keita Solange wo mu Rwanda yaserutse mu mwambaro wa bikini avuga ko mu myaka 13 ishize atari ikintu yari kwisukira

Yanina Gómez uhagarariye Paraguay muri Miss Miss Universe ni uku yaserutse

Umunya-Thaïlande yakiriye iri rushanwa Praveenar Singh nawe yaserutse muri bikini

Umunya-Laos Daeng Lattana Munvilay ubwo yaserukaga mu mwambaro wa bikini

Umubiligikazi Karen Jansen ni uku yatambutse muri bikini

Ubwo Miss Universe Czech Republic 2025 Michaela Tomanová yatambukaga

U Bufaransa buhagarariwe na Ève Gilles wambitswe ikamba rya Miss France 2024

Tuyishime hano yari ari kumwe na bagenzi be bahagarariye ibindi bihugu muri Miss Universe

Turikiya na yo ni kimwe mu bihugu bihagarariwe muri iri rushanwa

Serbia nayo iri mu bihugu biharariwe muri iri rushanwa uyu mwaka

Ntabwo umukobwa watsinze abandi mu cyiciro cyo kwigaragaza muri bikini yari yatangazwa

Nathalie Yasmin Mogbelzada w'u Buholandi ni uku yaserutse

Nadeen Ayoub wahagarariye Palestine yitabiriye iri rushanwa ku nshuro ya mbere

Miss Universe Slovakia 2025 Viktoria Güllová ubwo yatambukaga

Uhagarariye u Bwongereza muri Miss Universe 2025 Danielle Latimer ni uku yaserutse

Miss Universe Denmark 2025 Monique Sonne, mu mwambaro wa bikini

Miss Universe Ghana 2025 Andromeda Osam-Peters ubwo yatambukaga

Melissa Nayimuli wa Afurika y'Epfo ubwo yaserukaga

Lillian Andries uhagarariye Botswana ni uku yaserutse

Melanie Shiraz uhagarariye Israel muri Miss Universe 2025 ni uku yaserutse

Kaori Hashimoto uhagarariye u Buyapani

Leonora Lysglimt-Rødland w’imyaka 18 uhagarariye Norvège ubwo yatambukaga mu mwambaro wa bikini

Iri rushanwa riri mu marushanwa y'ubwiza akomeye cyane ku Isi yose

Iri rushanwa riri kuba ku nshuro ya 74

Gutambuka mu mwambaro wa bikini ni kimwe mu bice bigize Miss Universe

Cuba ni kimwe mu bihugu bihagarariwe muri iri rushanwa uyu mwaka

Buri mukobwa mu bahatanye yakoze iyo bwabaga yiyerekana uko ashoboye mu mwambaro wa bikini

Brésil ihagarariwe na Maria Gabriela Lacerda

Bitandukanye n'abandi benshi Miss Universe Pakistan 2025 Roma Riaz we yaserutse mu mwambaro utagaragaza ibice bye by'ibanga

Akanyamuneza kari kose ku bakobwa ubwo baserukaga bambaye umwambaro wa bikini

Abakobwa baturutse ku migabane bitabiriye Miss Universe biyerekanye muri bikini

Abakobwa baturutse impande zose z'Isi bashaka gukabya inzozi zabo mu marushanwa y'ubwiza binyuze muri Miss Universe

Aba bakobwa ku wa Gatanu w'Icyumweru gutaha bazavamo uzegukana ikamba rya Miss Universe

Aba bakobwa bari gushakisha amanota hasi hejuru

Aba bakobwa bamaze ibyumweru bibiri muri Miss Universe