Kuri iki Cyumweru tariki ya 30 Kanama i Kigali hatangijwe ibitaramo byiswe iby’iserukiramuco rya Isaano mu cyumweru cy’umuco.

Muri ibyo bitaramo umuhanzi ukomoka mu gihugu cya Congo Massamba Fredy, yataramanye n’abahanzi b’Abanyarwanda barimo Riderman, Christopher, itsinda risetsa rya Comedy Night, itsinda ribyina rya Sick City, n’abandi.

Uretse abahanzi mu ndirimbo z’umuco nka Blessing Sisters, iki gitaramo cyitabiriwe n’abazwi mu ndirimbo zihimbaza Imana nka Patient Bizimana, Cubaka Justin n’ab’indirimbo zisanzwe nka Mico Band, Mighty Ipopo, Riderman, Babou, Fal G n’abandi barimo aberekana imideli.

Umuhanzi Massamba Freddy ukomoka muri Congo

Ibi bitaramo byatangiriye kuri Petit Stade bizasozwa tariki 7 Nzeri.

Icyumweru cy’umuco cyagaragayemo umuganura kuri uyu wa 31 Kanama i Bumbogo, mu Karere ka Gasabo.

Muri iki cyumweru, ibizakorwa byatewe unkunga na Minisiteri y’umuco na Siporo ndetse n’ibindi bigo.