Ubu bukwe bwaririmbyemo itsinda rya Maroon 5, bwabaye tariki 18 Ugushyingo 2023 bukomeje kugarukwaho na benshi kugeza n’aho bamwe badatinya kubwita ubw’ikinyejana.

Ubundi byatangiriye muri leta ya Utah ahabereye ibirori byo gusezera ku bukumi by’umugeni mbere y’uko we n’umugabo we bahita birekeza i Paris mu ndege yihariye.

Aho muri Utah uyu mukobwa yamaze icyumweru we n’inshuti ze baba muri hoteli ya Amangiri, kuyiraramo ijoro rimwe ni 3000$.

Ibirori by’ubukwe bivugwa ko byamaze iminsi itanu byarimo ibyo kurya bihagije, abacuranzi ba cello bibera mu nyubako ya Opéra Garnier itatswe n’indabo zavuye mu Buholandi zipima ibiro 2000.

Aba bageni bari bakodesheje inyubako ya Château de Versailles yose ndetse bayiraramo, batembera mu bwato bari mu mugezi wa Seine, bafatira icyo kunywa kuri Arc de Triomphe ndetse nyuma yaho bajya kwifotoreza ku munara wa Tour Eiffel.

Ibirori bisoza ubu bukwe byabereye mu nyubako ya Château de Villette iherereye mu gace ka Val-d’Oise aho abageni baririmbiwe na Maroon 5 ndetse habera n’ibirori byo kugurutsa ’drone’.

Madelaine Brockway na Jacob LaGrone ni bande?

Madelaine Brockway w’imyaka 26 ni umukobwa w’umuherwe witwa Bob Brockway, Umuyobozi Mukuru wa Bill Ussery Motors, ikigo gicuruza imodoka za Mercedes-Benz kikaba kimwe muri birindwi bikomeye muri Amerika mu bucuruzi bw’imodoka.

Mu mpeshyi, iki kigo cyagurishije inganda zacyo ebyiri kuri miliyoni 700$.

Nta bintu byinshi bizwi kuri uyu mukobwa Madelaine, gusa konti ye iri ku rubuga rwa LinkedIn igaragaza ko ari rwiyemezamirimo.

Umugabo we Jacob LaGronenawe nta makuru ye arajya hanze. kizwi ni uko aba bombi batuye mu Mujyi wa Texas, mu gace ka Fort Worth.

Igitangazamakuru cya Daily Mail giherutse gutangaza ko Jacob LaGrone ashobora gufungwa imyaka 25 azira icyaha cyo gutera ubwoba abapolisi akoresheje imbunda, bivugwa ko byabaye mu mezi make ashize mbere y’ibi birori.

Icyo gihe yahise atabwa muri yombi, gusa aza kurekurwa atanze ibihumbi 20$ ariko ikirego cye cyamaze kugezwa mu rukiko.

This $59 million lavish 'wedding of the century' is going viral.

Madelaine Brockway, a 26-year-old car dealership heiress from South Florida ultra-luxurious wedding celebrations video with her boyfriend Jacob LaGrone have been talk of the town.

Reportedly, the couple flew… pic.twitter.com/WQRPxeOrGM

— I Meme Therefore I Am 🇺🇸 (@ImMeme0) November 27, 2023

Inside Madelaine Brockway's lavish bachelorette party ahead of wedding to Jacob LaGrone - which saw guests treated to a stay at a $3,000-a-NIGHT Utah resort, private jet travel, psychic 'lipstick readers' and over-the-top themed events https://t.co/ByPFEEs0qx pic.twitter.com/o2fuJfaUQy

— Daily Mail Online (@MailOnline) December 1, 2023

Oops Madelaine Brockway*

I’ve worked for people like this and at this level it’s almost like why? You don’t want to be rich and famous you want to be rich and anonymous.

You have all the money in the world and nobody knows who you are? You’ve won. Why ruin that? pic.twitter.com/Sy1fyZigy7

— Greg Baroth (@gbaroth) November 24, 2023

Oops Madelaine Brockway*

I’ve worked for people like this and at this level it’s almost like why? You don’t want to be rich and famous you want to be rich and anonymous.

You have all the money in the world and nobody knows who you are? You’ve won. Why ruin that? pic.twitter.com/Sy1fyZigy7

— Greg Baroth (@gbaroth) November 24, 2023

54 millions d'euros, c'est la somme complètement folle qu'a dépensée un couple d'Américains pour se marier à Paris.

Ils se sont offert les plus beaux monuments : la Tour Eiffel, l'Opéra Garnier ou encore le château de Versailles.

▶ #JT13H #France2tv pic.twitter.com/AVo1XLQqo6

— Info France 2 (@infofrance2) November 29, 2023

Madelaine Brockway na Jacob LaGrone bakomeje kugarukwaho ku mbuga nkoranyambaga nyuma yo gukora ubukwe bwatwaye arenga miliyari 73 Frw

Indabo zari zitatse inyubako yabereyemo ubukwe zavanywe mu Buholandi

Ibirori by'ubu bukwe byamaze iminsi itanu bibera i Paris