Eddy Kenzo wanditse amateka akomeye yo kuba umuhanzi wa mbere ukorera umuziki we muri Uganda wahataniye ibihembo bya Grammy yatunguwe no kubona uburyo yakiriwe akigera i Kampala.

Umuhanda uva ku kibuga cy’indege cya Entebbe wari wuzuye imodoka n’abamotari benshi bishimiye agahigo uyu muhanzi yagezeho.

Eddy Kenzo yinjiye mu bahataniye ibi bihembo bya Grammy kubera indirimbo ‘Gimme Love’ yahuriyemo na Matty B ukorera umuziki we muri Amerika.

Aba bombi nubwo nta gihembo begukanye bari bahataniye Grammy Awards mu cyiciro cya ‘Best Global Music Performance’ cyatwawe n’abahanzi bo muri Afurika y’Epfo barimo Nomcebo Zikode , Wouter Kellerman, na Zakes Bantwini bahuriye mu ndirimbo bise ‘Bayethe’

Kwinjira mu bahataniye ibihembo bya Grammy kwa Eddy Kenzo ni inkuru yanyuze benshi mu bakurikira umuziki wo muri Afurika y’Uburasirazuba dore ko bidakunze gukorwa na benshi.

Ibi bihembo bishimira abanyamuziki bitwaye neza hirya no hino ku Isi byatanzwe mu rukerera rwa tariki 06 Gashyantare 2023 mu birori byabereye i Los Angeles muri Crypto Arena.

Amashusho y’uko Eddy Kenzo yakiriwe akigera i Kampala

View this post on Instagram

A post shared by Eddy Kenzo (@eddykenzo)

Abafana ba Eddy Kenzo bari benshi ku kibuga cy'indege

Eddy Kenzo ni ubwa mbere yari ahataniye Grammy Awards ibihembo bitangirwa muri Amerika

Eddy Kenzo yishimiye urukundo yeretswe n'abanya-Uganda

Eddy Kenzo yaje yambaye umudali yahawe muri Grammy Awards 2023

Imwe mu modoka zari ziherekeje Eddy Kenzo

Umuhanda wari wuzuye abakunzi ba Eddy Kenzo

Abafana ba Eddy Kenzo bari benshi mu muhanda

Abakunzi ba Eddy Kenzo bari benshi mu muhanda uva ku kibuga cy'indege

Abanya -Uganda bishimiye kubona Eddy Kenzo muri Grammy Awards

Byari ibyishimo kuri benshi bagiye kwakira Eddy Kenzo

Bari bitwaje amafoto n'ibyapa biriho amazina ya Eddy Kenzo

Eddy Kenzo yaberetse umudali yatahanye nk'umuntu wari uhataniye Grammy Awards