Uyu muhanzi w’imyaka 30 y’amavuko wakunzwe bidasanzwe mu ndirimbo ze nka ‘Iyo neza’, ‘Amagambo yanjye’, ‘Menye neza’ n’izindi; asanzwe ategura ibitaramo ngarukamwaka ndetse byitabirwa mu buryo bukomeye.

Patient Bizimana yageze mu Bubiligi kuri uyu wa 6 Ukwakira 2017 ndetse ku kibuga cy’indege mpuzamahanga cya Buruseli yakiriwe n’itsinda rinini ry’abagize Eglise Assemblée des Rachetés ari naryo ryamutumiye mu Burayi ndetse banahise bamukorera ibirori by’umusogongero mu kumuha ikaze.

Igitaramo cya mbere Patient Bizimana aragikorera kuri Rue Birminghan 54, nyuma yacyo azajya kuririmbira mu bindi bihugu birimo Suède, Finland n’ahandi.

Mu gitaramo cy’ibanze agomba kugikora kuri uyu wa Gatandatu tariki ya 7 Ukwakira, cyateguwe na Eglise Assemblée des Rachetés, Patient aragihuriramo n’abahanzi barimo Basirwa Mireille ndetse na Nzinga Massamba.