Perezida Kagame yagenewe igihembo cya REMO Awards 2013

00:00:00 IGIHE NETWORK

KINYARWANDA

ENGLISH

FRANCAIS

Perezida Kagame yagenewe igihembo cya REMO Awards 2013

Yanditswe na

Richard Irakoze

Kuya 4 August 2013 saa 04:19

Yasuwe :

Yavuzweho:

Mu birori byo guhemba abahanzi n’abagize uruhare mu kuzamura ibikorwa by’imyidagaduro mu Ntara y’Amajyaruguru “REMO - Rwandan Entertainers and Musicians Organisation”, hatanzwe igihembo cy’icyubahiro cyagenewe Perezida wa Repubulika y’u Rwanda, Paul Kagame nk’umwe mu bafashije urubyiruko kugera ku iterambere.
Mu Nzu mberabyombi y’Akarre ka Musanze, iki gihembo cyatangiwemo kuri uyu wa 3 Kanama 2013 cyashyikirijwe Guverineri Bosenibamwe Aime ngo azakigeze ku wo cyagenewe.
Ubwo batangaga (…)

Mu Nzu mberabyombi y’Akarre ka Musanze, iki gihembo cyatangiwemo kuri uyu wa 3 Kanama 2013 cyashyikirijwe Guverineri Bosenibamwe Aime ngo azakigeze ku wo cyagenewe.

Ubwo batangaga iki gihemo, Patrick Uwineza, umuyobozi w’inzu itunganya umuziki ya Top 5 Sai na Francine Umutoni, umuyobozi w’iri huriro rya REMO, babwiye Guverineri Bosenibamwe ko yazabatumikira.

Uhereye i bumoso ni Francine, Patrick na Guverineri Bosenibamwe; hatangwa igihembo cyagenewe Perezida wa Repubulika

Uwineza yagize ati “Uzamutubwirire uti ‘ntabwo ari amahanga gusa azi ko yesa imihigo ahubwo n’urubyiruko turabizi.’”

Guverineri Bosenibamwe nawe yemeye kuzashyikiriza ubutuwma yahawe ku Mukuru w’Igihugu cyagenewe. Yanabashimiye kuba baratekereje guhemba abahanzi n’abandi bagize uruhare mu iterambere ry’imyidagaduro muri iyi Ntara. Yabijeje ko azakoresha imbaraga ze bwite n’imbaraga ahabwa n’amategeko mu gushyigikira urubyiruko n’ibikorwa byarwo muri iyi Ntara.

Guverineri Bosenibamwe yagize ati “Turi inyuma yanyu urubyiruko kandi ntacyo muzatuburana. Tuzaharanira ko ibikorwa byanyu bitera imbere. Urubyiruko rw’u Rwanda nimwe bayobozi b’ejo; nimwe tugomba gushoramo ubumenyi”.

Knowless ashyikiriza Guverineri Bosenibamwe igihembo REMO yageneye Intara y'Amajyaruguru

Solange Umutesi, wari uhagarariye Inama Nkuru y’Igihugu y’Urubyiruko we yagarutse by’umwihariko ku gushima abagize igitekerezo cyo gushyiraho ibi bihembo, ati "Twebwe nk’Inama NKuru y’Igihugu y’Urubyiruko duheshejwe ishema no kubona urubyiruko nk’uru rudutumira mu birori nk’ibi. Urubyiruko turi imbaraga z’igihugu kandi zubaka. Ibi bikorwa byanyu byose by’ubuhanzi mujye mubiganisha ku iterambere".

Mu ijambo rye Francine Umutoni yashimye abaterankunga batandukanye bafatanyije kugira ngo hahembwe ibikorwa by’indashyikirwa byazamuye igice cy’imyidagaduro muri iyi Ntara, ati “Turabona ko hari ahazaza ha muzika nyarwanda kuko n’ubuyobozi muturi inyuma."

Itorero Impeta y'Umuco ibyinira abari bitabiriye iki gitaramo

Iki gitaramo cyasusurukijwe n’abahanzi benshi barimo Ntamukunzi Theogene, Jay Polly, Kina Music yari ihagarariwe na Knowless na Christopher. Hari harimo n’abahanzi bakorera muri Top 5 Sai barimo Erasm, Frankay, The Bless, Mr Gloire, Sahihi n’abandi.