Kuri uyu wa Gatandatu tariki 14 kamena 2014, abahanzi 10 bahatanira PGGSS4 bakoreye igitaramo mu Karere ka Nyagataremu Ntara y’ u Burasirazuba.

Ugereranyije n’uko ibindi bitaramo byagiye bigenda, abakunzi ba muzika muri Nyagatare bitabiriye ari bake cyane . Nubwo abantu batari benshi mu buryo bushimishije nk’uko byagenzi mu bindi bitaramo bya Road shows byabereye mu turere dutandukanye tw’u Rwanda, ntibyabujieje abari bitabiriye kwishimana n’abahanzi bakunda.

Iki gitaramo cya Nyagatare, ni cyo cyasoje ibindi byose byakozwe kuva irushanwa ryatangira aho aba bahanzi bose bagiye baririmba biyereka abafana babo mu ntara zitandukanye ariko bakaririmba bitari iby’umwimerere(Playback).

Ubwo umuhanzi wa nyuma yari amaze kuririmbira ab’i Nyagatare, aba bahanzi bose uko ari 10 bahuriye kuri rubyiniro buri wese agira icyo abwira abafana nyuma y’ibi bitaramo bya Playback bamaze gukora.

REBA HANO UKO I NYAGATARE BYARI BYIFASHE:

Igitaramo cya mbere cya Live kizabera i Kigali kuwa Gatandatu tariki ya 21 Kamena 2014 kuri Stade Amahoro i Remera.

Video&Camera Editing: Eliel Niyonzima