Iri serukiramuco ryatangirijwe muri St Paul Hotel kuri uyu wa Gatanu tariki 4 Nzeri 2019. Aha hakaba hari hakoraniye abakinnyi ba filime banyuranye ndetse nabazikunda muri rusange.

Uyu muhango waranzwe n’amagambo yo gushimira abagore bakora filime badahwema gushyira imbaraga mu kazi kabo ka buri munsi.

Willy Ndahiro wari uhagarariye Federasiyo ya Sinema mu Rwanda, yakomoje ku mvune abagore bahura nazo mu gukina no gutunganya filime.

Yakomeje yizeza abagore bakora filime mu Rwanda ko igihe kigeze ngo imvune bagiye bahura nazo zibyare umusaruro icyuya biyushye gitange inyungu.

Mbere yo kwerekana filime Dhalinyalo ya Lula Ali Ismail habanje gufatwa umunota bunamira Nsanzamahoro Denis Rwasa uherutse kwitaba Imana.

Umunyamabanga Nshingwabikorwa w’Inama y’Igihugu y’Abagore, Kamanzi Jacqueline wari umushyitsi mukuru yijeje abagore bakora filime inkunga ishoboka yose.

Iserukiramuco ritegurwa na Cine-Femme Rwanda rigiye kuba ku nshuro ya kane aho rizamara icyumweru cyose hakorwa ibikorwa bitandukanye.

Abana biga umuziki muri Rwanda Rocks Music School bataramiye abitabiriye ibi birori

Mbere yo kwinjira mu cyumba cyabereyemo ibi birori abantu babanje gusangira

Ndimbati ni umwe mu bari bishimiwe bikomeye muri ibi birori

Abakinnyi ba Filime batandukanye bitabiriye ibi birori

Abanyamahanga bari bitabiriye ibi birori

Itangizwa ry'iri serukiramuco ryitabiriwe cyane

Clarisse Karasira yari mu bitabiriye ibi birori

Willy Paul yari ahagarariye Federasiyo ya sinema muri uyu muhango

Umunyamabanga Nshingwabikorwa w’Inama y’Igihugu y’Abagore, Kamanzi Jacqueline wari umushyitsi mukuru

AMAFOTO: Dushimimana Ami Paciffique