Safi na Judith ni abakunzi b’igihe gito kuko byamenyekanye mu itangazamakuru ko bafitanye ubumwe bihurirana n’uko bahise batangaza ko bagiye kurushinga. Aba bombi bakundanye bacenga inshuti zabo, bakihisha cyane amaso y’itangazamakuru ngo batavumburwa ko bari mu rukundo.

Aya macenga mu rukundo rwa Safi na Judithe yatangiye uyu muhanzi akiri kumwe na Umutesi Parfine [uyu na we byari bizwi ko bagomba kuzarushinga bitarenze mu 2018]. Abazi neza iby’uru rukundo bahamya ko rumaze amezi ane.

Ibirori byo gusaba no gukwa byabanjirijwe n’umuhango wo gusezerana imbere y’amategeko. Niyibikora na Niyonizera basezeranye imbere y’amategeko bemeranya kuzabana akaramata nk’umugabo n’umugore kuri iki Cyumweru tariki ya 1 Ukwakira 2017 mu muhango wabereye mu Murenge wa Remera.

Safi yakoze ibijya gusa n’ibyaranze ubukwe bw’umukunzi we w’akahise Knowless! Aho umuhango wo gutanga inkwano wabereye hari hashyizwe itsinda ricunga umutekano ryakumiraga abaje mu birori badafite ubutumire. Mu birori hagati, hasohotse itegeko ribuza umuntu uwo ari we wese gufata amafoto akoresheje telefone.

Safi Madiba yari agaragiwe n’ibyamamare gusa uhereye kuri Riderman [wamugendaga iruhande nka parrain] hakiyongeraho Humble Jizzo, Platini Nemeye uririmba muri Dream Boyz ndetse na David Bayingana inshuti magara ya Safi.

Mu misango abasaza banejeje benshi iyo bageraga ku wasabiwe umugeni bakavangamo ko ari icyamamare ’gikoresha izina rya Madiba’. Byabaga agahebuzo iyo babwiraga abashyitsi ko umugabo ugaragiye umusore wabo yitwa ’Riderman’ kandi na we ari icyamamare, n’andi maringushyo yatumaga ibirori biryoha kurushaho.

Safi Madiba yahise yambika Judithe impeta y'urukundo

Nizzo wo muri Urban Boyz ntiyatashye ubu bukwe! Nizzo ubusanzwe azwi nk’umwe mu nkoramutima za Safi mu buzima buri hanze y’umuziki ariko ntiyagaragaye ahabereye ubu bukwe ndetse no mu Murenge wa Remera aho basezeraniye imbere y’amategeko ntiyahageze.

Mu bandi bahanzi bari bahari harimo Hope Irakoze waririmbiye abageni, Kid Gaju, Uncle Austin na Majo. Abazwi nk’inshuti za Safi muri showbiz ntibatashye ubu bukwe.

Ibirori byo gusaba no gukwa byagombaga gutangira saa kumi z’umugoroba ariko byaje gutangira saa kumi n’ebyiri n’iminota mike. Umugeni yatanzwe ahagana saa mbili z’ijoro.

Hari umuteguro ubereye ijisho

Ibi birori byabereye aho Knowless na we yasabiwe

Rwasa Dennis uzwi muri filime na we yari yambariye Safi

David Bayingana na we yari yambariye umusore

Humble Jizzo usanzwe uririmbana na Safi yari yamwambariye

Riderman na Platini bari bagaragiye Safi

Queen Cha yari yambariye mubyara we Safi Madiba

Dj Mupenzi [ibumoso] na we yari yabutashye

Ubwo bari baje mu muhango wo gusaba umugeni

Safi Madiba yari afite amatsiko yo kubona abo mu muryango wo kwa sebukwe

Riderman ni we wabaye parrain wa Safi

Abasaza bo mu muryango wa Safi

Bari baje gusabira umuhungu wabo Safi Madiba

Ibirahuri abageni banywereyemo

Abasaza bo mu miryango yombi ubwo bari mu misango y'ubukwe

Ubwo Niyonizera Judithe yarimo yitegura kujya kwiyereka umuryango ngo umutanga

Aho ubukwe bwabereye uharebeye hejuru

Niyonizera Judithe hano yari yiteguye kujya guhura n'umugabo we Safi

Kid Gaju, inshuti ya Safi

Safi yakubitaga igitwenge cy'urumenesha buri kanya

Safi yongoreranaga na Riderman kenshi

Bayingana David ukorera Radio 10 na TV 10

Niyonizera Judithe umugore wa Safi Madiba

Niyonizera ubwo yari mu cyumba yitegura kujya mu muhango wo gutanga inkwano

Niyonizera Judithe n'abakobwa bamuherekeje

Hope yaririmbiye abageni

Hano Judithe bari bagiye kumutanga

Ku maboko, Safi yari yambaye isaha ibengerana

Ubwo Safi yarimo ahabwa umugeni

Safi yahawe umugisha wa kibyeyi

Niyonizera Judithe yahoberanye na Safi imiryango ikimara kubemerera kubana

Judithe yahaye Safi impano

Safi yahaye impano sebukwe

Safi yahaye impano nyirabukwe

Munyengabe, sebukwe wa Safi

Safi yabwiye Parfine ati "Judithe turahuza , turumvikana, afite imyaka 28, nta mugabo ataye kandi ni mwiza azubaka."

Safi na Judithe ngo biyemeje kuzajya basangira byose

Uncle Austin yari yatashye ubu bukwe

Mr One na we yari yabutashye

Kanda hano urebe amafoto menshi

Amafoto: Mahoro Luqman