Diamond Platnumz w’imyaka 33 aherutse kugaragara ari muri Malawi yitoboza izuru, ibintu bisigaye biharawe na benshi mu byamamare.

Abdul Naseeb yavuze ko yababajwe no kubona umuhungu we yitoboza izura, avuga ko bidakwiriye umugabo w’umunyafurika.

Uyu mubyeyi utakibana n’umuhungu we avuga ko umuhungu we yakoze ibinyuranyije n’ibyo umuco wa Afurika ugena.

Yagize ati “Yakoze ikintu kibi cyane kuko umuco n’imigenzo yacu ntiyemerera abagabo gukora ibintu nka biriya.”

Abdul yakomeje agira ati "Birashoboka ko yabikoze kubera ubutunzi bwe no gushimisha inshuti ze. Abakunda Tupac barabikoze ariko ku bakomoka muri Tanzania ibi ntibihura n’umuco n’imigenzo by’abaturage.”

Abafana batanze ibitekerezo ku mashusho ya Diamond yitoboza izuru bavuga ko ibyo yakoze binyuranyije n’amategeko ya kisilamu abandi bakavuga ko bihabanye n’umuco nyafurika.

Ntabwo Diamondi yigeze asubiza se wanenze imyitwarire ye atoboza izuru.

Amashusho ya Diamond Platnumz yitoboza izuru

Amashusho ya Diamond yitoboza izuru ntavugwaho rumwe

Diamond Platnumz ubwo aheruka guhura na se Abdul Juma