Mu mpera za 2012 no mu myaka ibiri amaze mu irushanwa rya Primus Guma Guma Super Star, Senderi International Hit yambaraga urukweto rumwe rufite ibara rya kaki yererutse.

Kuva mu mpera z’umwaka wa 2012, uwa 2013 na 2014 yose no mu bitaramo bya PGGSS ndetse n’ibisanzwe umuhanzi Senderi International Hit yagaragaye kenshi yambaye uru rukweto nyamara muri iyi myaka itatu ishize yasaruye amafaranga atari munsi ya miliyoni 10 mu irushanwa rya PGGSS gusa dore ko ku nshuro ya mbere ubwo yaryitabiraga muri 2013 yahembwe amafaranga y’u Rwanda 4,500,000 naho kuri iyi nshuro ya kabiri akaba azavamo amaze gufata agera byibuze amafaranga 5,000,000.

Nubwo amaze mu irushanwa iyi myaka ibiri ndetse akaba abona amafaranga angana gutya, Senderi ntibimubuza kwiyambarira uru rukweto muri byinshi mu bitaramo akora ndetse by’umwihariko iyi myaka ibiri ishize ahatanira PGGSS ayirangije yambaye uru rukweto.

Bitandukanye cyane n’abandi bahanzi bakora uko bashoboye muri iri rushanwa, bagahinduranye imyenda n’inkweto. Ibyo kwambara urukweto rumwe kuva irushanwa ritangiye kugeza rirangiye, byagaragaye bwa mbere ku muhanzi witwa Bahati waririmbaga muri Just Family ubwo bitabiraga PGGSS2. Senderi icyo arusha Bahati ni uko we aciye agahigo ko kumara imyaka ibiri mu irushanwa agaragara muri uru rukweto mu gihe uyu mugenzi we yarumazemo umwaka umwe.

Hano ni muri 2012 ubwo Senderi yaririmbaga i Rulindo

Hano ni i Rusizi mu gitaramo cyatangiye PGGSS3 muri 2013

Rwarutabira na Senderi i Rusizi muri 2013

Muri 2014 Senderi yaje mu kidomoro gusa ntiyibagiwe rwa rukweto

Muri 2014 Senderi yagarutse i Rusizi yambaye rwa rukweto bamubonanye muri 2013

I Karongi muri 2013 Senderi yari yambaye uru rukweto

I Nyamagabe muri 2014 Senderi yagarukanye uru rukweto

Hano ni muri 2013 ubwo yahataniraga PGGSS3 i Muhanga

Muri 2014 yasubiye i Muhanga yambaye rwa rukweto

Muri PGGSS4 i Kigali, Senderi yakomeje urugendo na rwa rukweto

I Rubavu muri 2013

I Musanze muri 2013

Muri Werurwe 2014 iyi pantaro nibwo Senderi yari yayiguze

Senderi yerekeje i Huye yambaye ya pantaro

Iyi pantaro ya Senderi amaze umwaka ayizengurukana mu bitaramo. Yayambaye bwa mbere atoranwa mu 10 muri Werurwe 2014 arayikomezanya kugeza avuye mu irushanwa mu gitaramo cya Rubavu.

Kugeza ubu ahantu Senderi agenda mu mujyi wa Kigali aracyagaragara yambaye uru rukweto n'ipantaro yari yambaye ubwo yahataniraga kwinjira muri PGGSS4 muri Werurwe 2014