Ni amafaranga yakusanyijwe binyuze muri cyamunara yakorewe muri ibi birori. Iya mbere muri izi cyamunara ni iy’umupira w’ikipe ya PSG yo mu Bufaransa, wasinyweho n’abakinnyi b’iyi kipe. Uyu mupira waguzwe na Mutesi Jolly amadorali 1000 [angana na 1.449.500 Frw].

Andi yatanzwe ni 800$ ku majoro abiri yo kurara muri Hoteli yo ku Kibuye. 2.900$ yatanzwe ku rugendo rwo gusura ingagi, 1.200$ yatanzwe ku kindi gikorwa cy’urukundo. Hari kandi 1.800$ y’ijoro ryo kurara muri Hoteli yo mu Kiyovu ndetse na 2000$ byatanzwe n’uwaguze ijoro rimwe muri Hotel yo mu rwego rwo hejuru. Igiteranyo cy’aya mafaranga yose ni 14.132.625 Frw.

Iyi nkunga yakusanyijwe ni iyo gufasha abana babarizwa muri Sherrie Silver Foundation barenga 1000.

Uretse aya mafaranga kandi BK Foundation yemeye kwishyurira abana 100 bo muri Sherrie Silver Foundation, amashuri yaba ari abiga mu ya Leta cyangwa ayigenga. Umuyobozi Mukuru wa BK Foundation, Ingrid Karangwayire, yavuze ko bakoze iki gikorwa cyane ko bashaka gushyira imbaraga mu guteza imbere uburezi.

Ati “Dukomeje kugira umuhate wo gushyigikira uburezi, ubuhanzi n’ubwenge buhebuje bw’urubyiruko rw’u Rwanda.”

Sherrie Silver yashimiye buri wese witabiriye ibi birori bye akitanga, avuga ko ko aya mafaranga azifashishwa mu bikorwa by’uburezi, ubuzima n’imibereho myiza y’abana batishoboye bafashwa n’umuryango we.

Ibi birori byabereyemo ibindi bikorwa bitandukanye birimo guhemba inzu y’imideli aho iyitwa Icyacumi yahawe 5000$, naho Bwiza ahembwa nk’umuntu waserutse yambaye neza. Uyu mukobwa yahawe 1000$.

Abahanzi barimo Ross Kana, Chriss Eazy, Massamba Intore, Chella wo muri Nigeria, Sherrie Silver Foundation, Vex Prince uri mu bakizamuka Juno Kizigenza na Butera Knowless basusurukije abari bitabiriye.

Umunyamabanga wa Leta muri Minisiteri y’Urubyiruko n’Iterambere ry’Ubuhanzi, Umutoni Sandrine ni umwe mu bashimiye Sherrie Silver kubera ibi birori bye

Bwiza yatowe nk'uwaserutse yambaye neza kurusha abandi muri ibi birori

Mutesi Jolly yatanze 1000$ yo kugura umwambaro wa PSG wanditsweho n'abakinnyi b'iyi kipe

Mutesi Jolly yitanze 1000$ agura umupira wa PSG ariko aya mafaranga akazifashishwa na Sherrie Silver mu bikorwa by'ubugiraneza

Muri birori bya ‘The Silver Gala’ BK Foundation yemeye kwishyurira amafaranga y'ishuri abana 100 bo muri Sherrie Silver Foundation

Sherrie Silver yashimiye cyane abantu bitanze

Uyu mukobwa yavuze ko aya mafaranga azifashishwa mu bikorwa by'ubugiraneza

Sherrie Silver yakoze ibi birori ku nshuro ya kabiri