Uyu muhanzi ahanganye n’abandi batandukanye bo mu bindi bihugu bya Afurika barimo NG Bling wo muri Gabon, Zonatan wo mu birwa bya Maurice, Yann’Sine wa Maroc, Cysoul na Lydol bo muri Cameroon, Bebe Baya wo muri Guinée, Céline Banza wo muri Repubulika Iharanira Demokarasi ya Congo, Anycris wo muri Côte d’Ivoire na Nasty Nesta wo muri Bénin.
Muri iri rushanwa indirimbo ‘Ma Vie’ niyo yamuhesheje amahirwe.
Mu kiganiro na IGIHE, Social Mula yatangaje ko yiteguye kwegukana igikombe mu gihe yaba ashyigikiwe n’Abanyarwanda mu buryo bufatika.
Aha akaba yagize ati”Nkeneye inkunga y’Abanyarwanda nkeneye amajwi yabo kuko niyo yatuma negukana igikombe. Ni amahirwe ko kibitse mu Rwanda mureke dushyire hamwe ntikihasohoke.”
Uyu muhanzi yavuze ko ari kugerageza kuvugana na Yvan Buravan wegukanye iki gihembo umwaka ushize ku buryo yamwibira ibanga bityo nawe akareba ko yakongera kuzamura idarapo ry’u Rwanda mu ruhando mpuzamahanga.
Amatora y’uzegukana iki gihembo yatangiye ubwo 10 bahatana batangazwaga bikaba byitezwe ko azarangira tariki 16 Ukwakira 2019. Aya akaba ariyo agira uruhare runini mu gutuma umuhanzi yegukana igikombe.
Social Mula yatangiye umuziki mu 2013. Icyo gihe yafashwaga n’inzu itunganya umuziki ya The Zone. Yibandaga cyane ku ndirimbo zo mu njyana ya Dancehall na Afrobeat ndetse hari nyinshi yakoze muri ubu buryo zakunzwe nka ‘Abanyakigali’, ‘Umuturanyi’ n’izindi.
Iki gihembo cya Prix Découvertes RFI ari guhatanira umwaka ushize cyatwawe n’umunyarwanda Yvan Buravan.
Umuhanzi wegukanye iki gihembo ahabwa amayero ibihumbi icumi [€10,000] ndetse no gufashwa gukora ibitaramo bizenguruka Afurika na kimwe gikomeye uyu muhanzi ategurirwa i Paris mu Bufaransa.
Ushaka guha amahirwe Social Mula kanda hano
TANGA IGITEKEREZO