Ibi yabivuze nyuma y’ubutumwa yashyize kuri X, abwira abakunzi be kumubaza ikibazo bashaka. Nyuma yabwo umufana yanditse amubaza impamvu adataramira muri Uganda. Ati “Ni iyihe mpamvu iri inyuma yo kutaza muri Uganda?”
Mu gusubiza uyu muhanzi yifashishije ifoto ye ari mu rukiko ubwo yari yafungiwe muri Uganda mu 2020.
Mu Ukuboza 2020 Tems na mugenzi we Omah Lay bafungiwe mu mujyi wa Kampala, nyuma yo kuhataramira mu bihe bya COVID-19, barenze ku mabwiriza yabuzaga guhura kw’abantu benshi cyangwa gukora ibitaramo. Nubwo bari batumiwe igitaramo cyabo cyari cyarenze ku mabwiriza ari na byo byatumye bafungwa.
Byatumye habaho guterana amagambo hagati y’Abanya-Nigeria n’abanya-Uganda, ndetse n’abahanzi, abafana ndetse n’abanyapolitiki babyinjiramo. Nyuma yaho Tems yavuze ko byamubabaje ndetse guhera icyo gihe yahisemo kwitandukanya na Uganda.
Nyuma yagiye ataramira mu bindi bihugu bihana imbibi n’iki gihugu, ariko muri Uganda ntarasubirayo.
https://t.co/N49EKb4Da0 pic.twitter.com/Z31l1ArkGJ
— TEMS (@temsbaby) November 25, 2025
TANGA IGITEKEREZO
AMATEGEKO AGENGA IYANDIKA RY'IGITEKEREZO CYAWE
Witandukira kubijyanye n'iyi nkuru; wikwandika ibisebanya, ibyamamaza cyangwa bivangura; wikwandika ibiteye isoni, Wifuza kubona byihuse ibivugwa/ibisubizo ku gitekerezo cyawe, andika email yawe ahabugenewe. Ibi bidakurikijwe igitekerezo cyanyu gishobora kutagaragara hano cyangwa kigasibwa.
Igitekerezo cyawe kigaragara nyuma y'isuzuma rikorwa na IGIHE.com , Murakoze!