The Ben wagombaga kuba yari yagiye mu gitondo cyo ku wa 15 Gicurasi 2025, yaje kugira ibibazo by’itike y’indege bituma urugendo rwe rusubikwa aza kugenda mu ijoro, bituma ikiganiro cye n’abanyamakuru gisubikwa kikimurirwa kuri uyu wa 16 Gicurasi 2025.

Akigera i Kampala, The Ben yakiriwe n’abateguye igitaramo, biyongeraho itsinda ry’abo basanzwe bakorana bari bageze muri Uganda mu gitondo cy’uwo munsi barimo n’umurinzi we ‘Yantare’.

Element EléeeH na Symphony Band izamucurangira, byitezwe ko bagera i Kampala kuri uyu wa Gatanu.

Uretse aba bahanzi bazaba baturutse mu Rwanda, iki gitaramo kizanitabirwa n’abandi barimo Irene Ntale, Ray G, DJ Spinny na Omarioo uzaba aturutse muri Tanzania.

Kizayoborwa na MC Mariachi mu gihe hazaba hari n’abanyarwenya barimo Maulana na Reign na Dr Hilary Okello.

Kwinjira muri iki gitaramo kizabera muri Kampala Serena Hotel, ni ibihumbi 150 UGX (agera ku bihumbi 60 Frw) , ameza azaba ateye muri VIP azaba agura ibihumbi 400 UGX ( agera ku bihumbi 160 Frw) na ho ameza yicaraho abantu umunani azaba agura miliyoni 3 UGX ( agera kuri miliyoni 1,2 Frw)

The Ben agihinguka ku kibuga cy'indege cy'i Entebbe muri Uganda

Aba bahanzi bakiriwe n'inkumi zibyina

Alex Muhangi n'umukobwa witwa Sharon bari gutegura iki gitaramo bari mu bakiriye The Ben

Alex Muhangi aha ikaze Kevin Kade

Itangazamakuru ririmo n'iryavuye i Kigali ryari ritegereje aba bahanzi ku kibuga cy'indege

Kevin Kade yabanje kuganira n'itangazamakuru akigera ku kibuga cy'indege

The Ben nawe aganira n'abanyamakuru

The Ben yerekeje mu modoka yagombaga kumukura ku kibuga cy'indege