Abahanzi bakorera muri Label ya Kina Music, Tom Close, Knowless, Christopher na Dream Boys kuri Zoom Side kuri uyu wa Gatanu bazamurika amashusho y’indirimbo ‘Byakuvuna’, bahuriyeho bose.

Kanda hano wumve Byakuvuna

Producer Clement umuyobozi wa Kina Music yabwiye IGIHE ko amashusho y’iyi ndirimbo kuri uyu wa gatanu azaba yabonetse ari nayo mpamvu bazayamurika bwa mbere kuri Zoom Side nk’uko bakunze kubigenza.

Zoom Side Bar and Restaurant iherereye kwa Venant mu Mujyi wa Kigali, isanzwe imenyerewe mu kumurika bwa mbere amashusho y’indirimbo z’Abahanzi bo mu Rwanda.

DJ Bisoso yabwiye IGIHE ko kwinjira bizaba ari ubuntu ku bantu bose.

Byakuvuna siyo ndirimbo ya mbere aba bahanzi bahuriyeho, bwa mbere bahuriye kuri Kanda Amazi bari kumwe na Jay Polly nyuma haza ‘Rubanda’ bari kumwe na Makanyaga Abdoul.