Tom Close usanzwe ari inshuti ya hafi ya The Ben, yabereye parrain mugenzi we wasezeranye imbere y’Imana na Uwicyeza Pamella bamaze imyaka ine mu rukundo. Ni umuhango wabereye muri Eglise Vivante ku i Rebero.

Mu muhango wo gusaba no gukwa, Jimmy usanzwe ukorana bya hafi na The Ben muri Leta Zunze Ubumwe za Amerika ni we wamwambariye igihe cyo gusaba no gukwa.

Mu bindi byamamare byaherekeje The Ben harimo Andy Bumuntu, Gaju Anitha witabiriye Miss Rwanda, Igor Mabano, Christopher n’abandi.

Mu 2020 ubwo yaganiraga na Radio Rwanda, The Ben yatatse Tom Close, avuga ko ari we wamufashe akaboko atangira umuziki kugeza uyu munsi bakaba bakiri inshuti z’akadasohoka.

Iki gihe The Ben yavuze ko Imana yakoreye muri Tom Close, akamufasha kugera ku nzozi ze ku buryo ibyo agezeho byose abikesha uyu mugabo.

Kuva aho The Ben atuye i Gahanga, kugeza kuri Eglise Vivante ku i Rebero imodoka z'umukara zari zimuherekeje

Akanyamuneza kari kose kuri The Ben ubwo yinjiraga mu rusengero

Uwicyeza Pamella mu gatimba, mbere yo gusezerana kubana akaramata na The Ben

Tom Close ni we wabaye Parrain

The Ben afashe akaboko Mama we ubwo binjiraga mu rusengero

Umubyeyi wa The Ben ubwo yageraga ku rusengero

Mu ikote ry'umweru n'umukara, The Ben yari yambariye umunsi udasanzwe mu buzima bwe

Igor Mabano wakoranye indirimbo 'For Real' na The Ben, yamwambariye ubwo yasezeranaga na Pamella

Igor Mabano n'umukobwa bari kumwe

Andy Bumuntu na Gaju Anitha ubwo binjiraga mu rusengero

Gaju Anitha witabiriye Miss Rwanda mu 2022, ari mu bakobwa bambariye The Ben na Pamella

Amafoto: Irakiza Augustin