Trevor Noah w’imyaka 39 yegukanye igihembo cy’ikiganiro cy’uruhererekane [Talk Series] cyahize ibindi kuva tariki 01 Kamena 2022 kugeza tariki 31 Gicurasi 2023, mu bihembo Emmy Awards byatangiwe muri Peacock Theater, biyoborwa n’umunyarwenya Anthony Anderson.

Ni igihembo uyu munyarwenya akesha ikiganiro ‘The Daily Show with Trevor Noah’ yakoze imyaka isaga irindwi, cyahigitse ibindi birimo‘Jimmy Kimmel Live’; ‘Late Night With Seth Meyers’; ‘The Late Show With Stephen Colbert’; na ‘The Problem With Jon Stewart’.

Mu bandi begukanye igihembo muri Emmy Awards byari bitanzwe ku nshuro ya 75 harimo; Niecy Nash-Betts wegukanye icya ‘Supporting actress in a limited or anthology series or movie’; Jeremy Allen atwara icya ‘Lead Actor in Comedy Series’; Ebon Moss-Bachrach atsindira icya ‘Supporting Actor in a Drama Series’; Matthew Macfadyen yegukana icya ‘Supporting Actor in a Drama Series’.

Hari kandi Jennifer Coolidge wegukanye ‘Supporting Actress in a Drama Series’; Ayo Edebiri atwara ‘Lead actress in a comedy series’; n’ikiganiro ‘Last Week Tonight with John Oliver cyatsindiye igihembo cya ‘Scripted Variety Series’.

Trevor Noah yegukanye igihembo muri Emmy Awards