Justin Timberlake yari afite igitaramo i Londres mu Bwongereza ku wa Gatanu ariko agisubika ku munota wa nyuma bitewe n’uburwayi burimo ibicurane byamufashe bikamuzahaza.

Mu butumwa bw’amashusho yasangije abamukurikira ku mbuga nkoranyambaga yanditse ati “Bafana banjye, ubuzima bwanjye ntabwo bumeze neza kubera uburwayi bwafashe imyanya y’ubuhemekero. Mbabajwe no kuba ntazabataramira.”

Iki gitaramo yagisubitse ari mu Bwongereza aho yari amaze iminsi mu myiteguro ariko umunsi ku wundi yakomeje kumererwa nabi.

Justin Timberlake ari mu bitaramo yise The Forget Tomorrow World Tour bizenguruka u Burayi byo kumenyekanisha album yitwa Everything I Thought It Was yitegura gushyira hanze.

Timberlake yafashwe n'ibicurane bituma asubika ibitaramo