Umwe mu bagize umuryango mugari wa Ntarindwa Diogène yabwiye IGIHE ko Niwemuto Philippe yitabye Imana kuwa Kabiri tariki ya 21 Werurwe 2017 akaba yazize uburwayi bwa Diabetes yari amaranye igihe.

Uyu mukambwe watabarutse yari aherutse kuzuza imyaka 81 y’amavuko kuko yabonye izuba kuwa 6 Mutarama 1936.

Mu gitaramo aherutse gukora Gasumuni yakomoje ku mubyeyi we amugaho nk'umugabo witaga cyane ku bana akabatoza uburere bwiza no gukunda igihugu

Ntarindwa Diogène yaherukaga gukomeza ku mubyeyi we mu gitaramo yise ‘Kwirekura23’ yakoreye muri Camp Kigali mu ijoro ryo ku itariki ya 4 Werurwe 2017. Icyo gihe yamuvuzeho ubwo yavugaga ku bihe bigoye banyuzemo mu buhungiro mu Burundi, yamuvuzeho umwanya muto mu buryo busa no gutebya ariko amugaragaza ‘nk’umubyeyi wakundaga kwita cyane ku burere bw’abana bose atarobanuye’.

Gasumuni ni umwe mu bakinnyi bakomeye muri filime 'Bienvenue à Marly-Gomont'