Mu mpera z’icyumweru gishize umuhanzikazi Miley Cyrus yitabiriye iserukiramuco rya Primavera Sound Festival, ryabereye mu mujyi wa Barcelona muri Espagne.

Ubwo Milley Cyrus yatambukaga imbere y’isinzi ry’abafana ari kumwe n’umugabo we Liam Hermsworth, basohoka muri hoteli bari bacumbitsemo umwe mu bafana bari aho yaramusagariye amusoma ku ngufu.

Mu mashusho yakwirakwije kuri Twitter agaragaza abafana benshi bafite telefone bafotora uyu mugore wamamaye mu ndirimbo “Wrecking Ball” ari kumwe n’umugabo we n’abamucungiraga umutekano.

Mu masegonda make, umwe muri abo bafana asumira Miley Cyrus akamukurura imisatsi agira ngo amusome ku munwa agahusha agafata imisaya.

Umugabo wa Miley Cyrus yahise atambika akaboko, bakomereza mu modoka ya SUV yari iri aho.

Miley Cyrus ntacyo yigeze avuga ku byamubayeho ariko abantu benshi banenze uyu mufana wagaragaje irari ryinshi.

Llego a estar ahí, y al “fan” que se ha tirado a por miley no se le olvida el guantazo que se lleva pic.twitter.com/30PUR4zXR0

— Alvaro (@AlvaroSaucedo13) June 2, 2019

Miley Cyrus yasomwe n'umufana ubwo yanyuraga mu bantu benshi

Umugabo we niwe wamutabaye