Asha Bhat, wigaragaje kurusha benshi kuva iri rushanwa ryatangira ni we wegukanye ikamba rya Miss Supranational umwaka wa 2014, ibyishimo bisaga Abahinde yari ahagarariye.

Uyu mukobwa w’imyaka 22 y’amavuko ntiyatunguranye ubwo yahamagarwaga ko ari we wegukanye ikamba dore ko mbere gato y’uko hatangazwa umukobwa wahize abandi muri uyu mwaka yazaga ku isonga ry’abahabwa amahirwe ndetse ku musozo w’ibirori nyamukuru bishimangirwa n’akanama nkemura kemeje ko ari we wigaragaje neza kurusha bagenzi be 70 yari ahatanye na bo.

Asha Bhat yagiye yigaragaza neza mu marushanwa mato mato yagiye ahuza aba bakobwa 71 bari bahataniye ikamba. Haba mu mideli, mu kwerekana impano, kuba umurunga w’ubumwe bwa bagenzi be, gukora siporo, kwerekana ibyiza by’ibihugu, ubumenyi rusange n’ibindi; uyu mukobwa yahoraga ari nyamugenda mu b’imbere.

Umwanya wa kabiri wegukanywe na Miss Thailand, Pla Disramdong, uwa gatatu utwarwa na Miss Gabon, Maggaly Nguema, uwa kane yabaye Miss USA, Allyn Rose naho uwa gatanu aba Miss Poland, Kasia Krzeszowska.

Abakobwa begukanye imyanya yo guhagararira Imigabane: Miss Supranational Europe yabaye Miss Czech Republic, Jana Zapletalova, Miss Supranational Asia & Oceania aba Miss Myanmar, Han Thi, Miss Supranational Africa yegukanwa na Miss Equatorial Guinea, Maria Begona Andeme naho Miss Miss Supranational Americas aba Miss Puerto Rico,Barbara Marrero.

Mu bindi bihembo byatanzwe harimo : Miss Canada wegukanye ikamba rya Miss Congeniality, Denmark (Miss Photogenic), Swede (Miss Bikini), Malaysia (Best Smile), England (Miss Elegance), Myanmar (Miss Internet), China (Top Model).

Ibihugu byagize amahirwe yo kugera mu 10 ba mbere ni USA, Myanmar, Czech Republic, Puerto Rico, Espagne, Thailand, Colombia, Gabon, India na Pologne.

Mu bihugu 20 bya mbere habonetsemo: Romania, Gabon, Canada, Puerto Rico, USA, Belarus, Switzerland, Thailand, Sweden, Spain, Australia, Trinidad & Tobago, India, Colombia, Czech Republic, Chile, Myanmar, Argentina, Poland na Philippines.

U Rwanda rwari ruhagarariwe na Umwali Neema w’imyaka 22 y’amavuko ariko nta mwanya n’umwe yabashije kwegukana muri iri rushanwa mu bihembo bitandukanye byatanzwe.

Ibi birori byabereye ahitwa Krynica Zdrój’s Ice Arena, mu majyepfo ya Pologne ari naho aya marushanwa yari amaze iminsi abera.

Mu mafoto: